ఆన్‌లైన్‌లో ‘వర్చువల్ ట్రై-ఆన్’ ఆగ్మెంటెడ్ రియాలిటీ ఫీచర్‌ను ప్రవేశపెట్టిన జోస్ అలుక్కాస్

ప్రతీ వ్యక్తికి ఆభరణాలు ఎంతో ప్రత్యేకమైనవి. అందుకే కొనుగోలు చేసే ముందు తాము విర్చువల్‌గా ధరించి చూసినపుడు అవి ఎలా కనిపిస్తాయో చూడాలని ప్రతి ఒక్కరూ కోరుకుంటారు

చెన్నై, మార్చి 17, 2026: భారతదేశంలో నాణ్యత, ఆవిష్కరణలు మరియు అధునాతన ఆభరణాల కోసం విశ్వసనీయమైన పేరుగా నిలిచిన జోస్ అలుక్కాస్, మిర్రర్ (mirrAR)భాగస్వామ్యంతో అభివృద్ధి చేసిన ఆగ్మెంటెడ్ రియాలిటీ (AR) అనుభవాన్ని తన వెబ్‌సైట్‌లో ప్రారంభించినట్లు ప్రకటించింది. ఈ సౌకర్యం ద్వారా వినియోగదారులు తమ స్మార్ట్ పరికరాల సహాయంతో ఆభరణాలను వాస్తవికంగా ‘వర్చువల్ ట్రై-ఆన్’ చేసి చూసే అవకాశం పొందుతారు.

కొత్త AR ఫీచర్ ద్వారా వినియోగదారులు తమ కెమెరాను ఉపయోగించి నగలు, చెవిపోగులు, గాజులు, ఉంగరాలు వంటి ఆభరణాలను వాస్తవికంగా వీక్షించి, వర్చువల్ ట్రై-ఆన్’ ద్వారా చూసుకోవచ్చు. దీంతో ఆన్‌లైన్ ఆభరణాల కొనుగోలులో వినియోగదారులకు మరింత నమ్మకం కలుగుతుంది. సాంప్రదాయ ఆభరణాల నైపుణ్యాన్ని ఆధునిక AR సాంకేతికతతో మేళవిస్తూ, భారతదేశంతో పాటు ప్రపంచవ్యాప్తంగా ఉన్న వినియోగదారులకు ఆన్‌లైన్ షాపింగ్ అనుభవాన్ని కొత్త స్థాయికి తీసుకెళ్లడం ఈ బ్రాండ్ లక్ష్యంగా పెట్టుకుంది.

“ప్రతీ వ్యక్తికి ఆభరణాలు ఎంతో ప్రత్యేకమైనవి. అందుకే కొనుగోలు చేసే ముందు తాము విర్చువల్‌గా ధరించి చూసినపుడు అవి ఎలా కనిపిస్తాయో చూడాలని ప్రతి ఒక్కరూ కోరుకుంటారు. ఈ కొత్త AR ఫీచర్‌తో మేము షోరూమ్ అనుభవాన్ని నేరుగా వినియోగదారుల స్క్రీన్‌లకు తీసుకువస్తున్నాము. సాంప్రదాయ రిటైల్ సామర్థ్యాన్ని అభివృద్ధి చెందుతున్న డిజిటల్ అంచనాలతో సమన్వయం చేయాలనే మా నిరంతర ప్రయత్నాలకు ఇది ప్రతిబింబంగా నిలుస్తుంది,” అని జోస్ అలుక్కాస్ మేనేజింగ్ డైరెక్టర్, మిస్టర్. జాన్ అలుక్కాస్ అన్నారు.

వినియోగదారులు బ్రాండ్ వెబ్‌సైట్ https://www.josalukkasonline.com/ ను సందర్శించి, తమకు నచ్చిన ఆభరణాన్ని ఎంచుకుని ‘వర్చువల్ ట్రై-ఆన్’ ఎంపికను క్లిక్ చేస్తే, తమ పరికర కెమెరా ద్వారా ఆ ఆభరణాలను వాస్తవికంగా వీక్షించవచ్చు. అదనపు డౌన్‌లోడ్లు అవసరం లేకుండానే ఈ ఫీచర్ చాలా ఆధునిక స్మార్ట్‌ఫోన్లు మరియు డెస్క్‌టాప్ పరికరాల్లో సజావుగా పనిచేస్తుంది.

AR సౌకర్యవంతమైన ఆన్‌లైన్ షాపింగ్ అనుభవాన్ని అందించడమే కాకుండా, వినియోగదారులు తమ కొనుగోలు నిర్ణయాలపై మరింత నమ్మకంతో ముందుకు సాగేందుకు సహాయపడుతుంది. దీంతో రిటర్న్స్ తగ్గడమే కాకుండా కన్వర్షన్ రేట్లు కూడా పెరుగుతాయి. అదనంగా, ఈ ఫీచర్ యువత మరియు టెక్-ఆధారిత వినియోగదారులను ఆకర్షిస్తూ, మరింత విస్తృతమైన, డిజిటల్‌గా కనెక్ట్ అయిన ప్రేక్షకుల వరకు బ్రాండ్ చేరుకునే ప్రయత్నాలను మరింత బలోపేతం చేస్తుంది.

“ఆభరణాల పరిశ్రమకు అత్యాధునిక AR సాంకేతికతను తీసుకురావడానికి జోస్ అలుక్కాస్‌తో కలిసి పనిచేయడం మాకు ఆనందంగా ఉంది. ఈ పరిష్కారం భౌతిక మరియు డిజిటల్ రిటైల్ మధ్య ఉన్న అంతరాన్ని తగ్గిస్తూ, వినియోగదారులు ఆన్‌లైన్‌లో మరింత నమ్మకంతో షాపింగ్ చేయడానికి సహాయపడుతుంది,” అని mirrAR వ్యవస్థాపకుడు, సిఇఒ మేఘనా సరావగి అన్నారు.

కస్టమర్ భాగస్వామ్యాన్ని పెంపొందించడం, ఆన్‌లైన్ కన్వర్షన్‌లను మెరుగుపరచడం మరియు ప్రీమియం ఓమ్నిచానల్ అనుభవాన్ని అందించడం లక్ష్యంగా జోస్ అలుక్కాస్ చేపట్టిన విస్తృత డిజిటల్ ట్రాన్స్‌ఫర్మేషన్ వ్యూహంలో భాగంగా ఈ AR ఫీచర్‌ను ప్రవేశపెట్టింది.