Singareni Lorries | సింగరేణి లారీలను అడ్డుకున్న గ్రామస్థులు

Singareni Lorries | మంచిర్యాల జిల్లా కాసిపేట మండల కేంద్రంలో ఆదివారం సింగరేణి లారీల ను గ్రామస్థులు అడ్డుకున్నారు.

కాసిపేట : మంచిర్యాల జిల్లా కాసిపేట మండల కేంద్రంలో ఆదివారం సింగరేణి లారీల ( Singareni lorries ) ను గ్రామస్థులు అడ్డుకున్నారు. సింగరేణికి చెందిన లారీలు సోమగూడెం నుంచి నేరుగా కాసిపేట ( Kasipeta ) లోని గనులకు వెళ్లాల్సి ఉండగా మద్యలో టోల్‌గేట్ ఉండడంతో టోల్ తప్పించుకునేందుకు మందమర్రి నుంచి నేరుగా కాసిపేట గ్రామ మధ్యలో నుంచి కాసిపేట గనులకు వెళ్తున్నారు.

దీంతో రోడ్డు మొత్తం ధ్వంసం కావడంతో లారీల రాకపోకల వల్ల దుమ్ము లేసి ఇళ్లపై పడుతూ అనారోగ్య పాలవుతున్నామని గ్రామస్థులు మండి పడుతున్నారు. రోడ్డుకు మరమ్మతులు చేయాల్సిన సింగరేణి అధికారులు, దుమ్ముతో కూడిన ఫైయాష్ను రోడ్డుపై పోయడంతో మొత్తం దుమ్ము లేసి తీవ్ర ఇబ్బందులు పడుతున్నారు.

కనీసం సింగరేణి అధికారులు నీళ్లు కూడా పోయడం లేదని, ఇళ్లు, మొక్కలు అన్ని దుమ్ముతో నిండుకుంటున్నాయని మండి పడ్డారు. సమస్య పరిష్కరించే వరకు లారీల రాకపోకలు జరగనవ్వమని ఆందోళన నిర్వహించారు. దీంతో దిగివచ్చిన లారీ నిర్వాహకులు రహదారిపై దుమ్ము లేవకుండా నీరు పోశారు.