Health Tips | భైంసా/మామడ, డిసెంబర్ 10 : రోజు రోజుకు చలి తీవ్రత పెరుగుతున్నది. చలితో పాటు వ్యాధులు సైతం విజృంభిస్తాయి. జాగ్రత్తలు పాటించకుంటే ప్రాణాలకు ముప్పు తెస్తాయి. ఈ సీజన్లో ఎక్కువగా ఉబ్బసం, ఆయాసం, గుండె జబ్బులు ఇబ్బంది పెడతాయి. ఉదయం వాకింగ్, జాగింగ్ వెళ్లాలంటే చర్మం పొడిబారి బిగుసుగా మారే అవకాశం ఉంటుంది. కాళ్ల మడిమలు, పెదాలు పగలడం వంటి సమస్యలొస్తాయి. ముఖ్యంగా పిల్లలపై చలి ప్రభావం ఎక్కువగా ఉంటుంది.
వివిధ రుగ్మతలు ఉన్నవారు జాగ్రత్త లు పాటిస్తే చలికాలంలో వ్యాధుల బారిన పడ కుండా రక్షించుకోవచ్చని వైద్యులు సూచిస్తున్నా రు. చలికాంలో శరీరానికి మాయిశ్చరైజర్లు తప్ప నిసరి క్రీమ్ బెస్ట్ మాయిశ్చరైజర్లను ఉపయో గించడం మంచిది. ముఖం, చేతులకు, కాళ్లకు రాసుకుంటే చర్మం మృదువుగా కోమలంగా ఉంటుంది. చలికాలంలో వేధించే మరో సమస్య పెదాలు పగలడం, పెదాలు పగిలి రక్తం కారకుండా వ్యాజిలిన్, లిప్బామ్, రాసుకోవాలి.
చలికాంలో చిన్నారులకు జబ్బులు రాకుండా జాగ్రత్తలు తీసుకోవాలి. చలికోసం రక్షణ నుంచి స్వెటర్లను తొడిగించాలి. వేడినీటితో స్నానం చేయించాలి. ప్రయాణాలు తగ్గించుకోవడం మం చిది. ఇంటి పరిసరాలను శుభ్రంగా ఉంచుకోవాలి. పిల్లలకు ఇచ్చే ఆహారంలో ఎక్కువగా ఆకుకూరలు ఎక్కువగా ఉండేలా చూసుకోవాలి.
చలికాలంలో గుండె జబ్బులు ఉన్నవారు గుండె ఆపరేషన్ చేయించుకున్న వారు వాకింగ్ చేయొద్దు. చలిలో ఎక్కువగా తిరిగితే రక్తనాళాలు సంకోచించి గుండెకు సంబంధించిన సమస్యలు వస్తాయి. బీపీ, షుగర్ ఉన్నవారు కూడా ఈ జాగ్రత్తలు పాటిస్తే మంచిది.