వ్య‌వ‌సాయబావిలో ప‌డ్డ అడ‌వి బ‌ర్రె.. కాపాడిన అట‌వీ అధికారులు

కొమురంభీం ఆసిఫాబాద్ : ప్ర‌మాద‌వ‌శాత్తు ఓ అడ‌వి బ‌ర్రె వ్య‌వ‌సాయ‌బావిలో ప‌డింది. ఈ ఘ‌ట‌న సిర్పూర్‌(టీ) అట‌వీ ప్రాంత ప‌రిధిలోని కౌటాల మండ‌లం తాటిప‌ల్లి గ్రామంలో గురువారం చోటుచేసుకుంది. స్థానికుల స‌మాచారం మేర‌కు అట‌వీ అధికారులు సంఘ‌ట‌నా స్థ‌లానికి చేరుకుని దాన్ని ర‌క్షించారు. సిర్పూర్‌(టీ) అట‌వీ రేంజ్ అధికారి సీహెచ్ పూర్ణ‌చంద‌ర్ తెలిపిన వివ‌రాల ప్ర‌కారం.. మ‌హారాష్ట్ర‌కు చెందిన రెండేళ్ల మ‌గ అడ‌వి బ‌ర్రె ప్ర‌మాద‌వ‌శాత్తు రోడ్డుప్ర‌క్కగా త‌క్కువ లోతులో ఉన్న వ్య‌వ‌సాయ‌బావిలో ప‌డిపోయింది.

జేసీబీ స‌హాయంతో దాన్ని ర‌క్షించి మ‌హారాష్ట్ర‌కు పంపించిన‌ట్లు తెలిపారు. ఆహారం వెతుక్కునే నిమిత్తం అడ‌వి బ‌ర్రె పెన్‌గంగ న‌దిని దాటి ఉండొచ్చన్నారు. నాలుగు అడ‌వి బ‌ర్రెలు ఇటీవ‌ల కాలంలో తెలంగాణ‌లోకి ప్ర‌వేశించిన‌ట్లు వెల్ల‌డించారు. సిర్పూర్(టీ) డిప్యూటీ ఫారెస్ట్ రేంజ్ ఆఫీస‌ర్ రాకేశ్‌, ఫారెస్ట్ బీట్ ఆఫీస‌ర్లు ఈ రెస్క్యూ ఆప‌రేష‌న్‌లో పాల్గొన్నారు.