ప్రయాణికులకు అనుగుణంగా సర్వీసులను నడపాలి

ప్రయాణీకుల రద్దీని దృష్టిలో ఉంచుకుని అదనపు బస్సులను నడిపించాలని, నూతన బస్సులను కొనుగోలు చేసి ప్రయాణికుల ఇబ్బందులను తీర్చాలని ప్రగతిశీల మహిళా సం ఘం ఆధ్వర్యంలో రాష్ట్ర కమిటీ పిలుపు మేరకు మంగళవారం డిపో ఎదుట ధర్నా చేపట్టారు.

• డీఎంకు విన్నవించిన పీఓడబ్ల్యూ నేతలు

నిర్మల్‌ అర్బన్‌, జూన్‌ 11 : ప్రయాణీకుల రద్దీని దృష్టిలో ఉంచుకుని అదనపు బస్సులను నడిపించాలని, నూతన బస్సులను కొనుగోలు చేసి ప్రయాణికుల ఇబ్బందులను తీర్చాలని ప్రగతిశీల మహిళా సం ఘం ఆధ్వర్యంలో రాష్ట్ర కమిటీ పిలుపు మేరకు మంగళవారం డిపో ఎదుట ధర్నా చేపట్టారు. అనంతరం డిపో మేనేజర్‌ ప్రతిమారెడ్డికి వినతి పత్రం అందించారు. ఈ సందర్భంగా ఆ సంఘం జిల్లా ప్రధాన కార్యదర్శి లక్ష్మి మాట్లాడుతూ.. రాష్ట్ర ప్రభుత్వం ఉచిత ప్రయాణాన్ని కల్పించడంతో మహిళలు ఆర్టీసీ బస్సుల్లో అధికంగా ప్రయాణం చేస్తున్నారని, ప్రయాణికుల రద్దీని దృష్టిలో ఉంచుకుని నూతన సర్వీసుల ను కొనుగోలు చేయాలని, ఆర్టీసీలో కొత్త ఉద్యోగులను వెంటనే భర్తీ చేయాలని కోరారు. ఐఎఫ్‌టీయూ రాష్ట్ర కార్యదర్శి రాజన్న, గంగామ ణి, లక్ష్మి, కవిత, విజయ, వసంత, తైసిన్‌ పాల్గొన్నారు.