Thiruveer | ఆ అమాయకత్వం నుంచే వినోదం పుడుతుంది : తిరువీర్‌

Thiruveer

Thiruveer | తిరువీర్ (Thiruveer), పావని కరణం (Pavani Karanam) జంటగా నటిస్తున్న సినిమా ‘పరేషాన్‌’ (Pareshan).

ఈ చిత్రాన్ని వాల్తేరు ప్రొడక్షన్స్‌ పతాకంపై సిద్ధార్థ్‌ రాళ్లపల్లి (Siddharth Rallapalli) నిర్మిస్తున్నారు. రూపక్‌ రోనాల్డ్‌సన్ (Rupak Ronaldson) దర్శకుడు.

జూన్‌ 2న విడుదలకు సిద్ధమవుతున్నది. ఈ సందర్భంగా చిత్ర విశేషాలను తాజా ఇంటర్వ్యూలో తెలిపారు హీరో తిరువీర్ (Thiruveer).

ఆయన మాట్లాడుతూ…‘దర్శకుడు రూపక్‌ (Rupak Ronaldson) ఈ సినిమా కోసం నాలుగు సీన్ల ఆడిషన్‌ అడిగారు.

ఆ నాలుగు సీన్లలో నటిస్తున్నప్పుడు సినిమా ఎంత కొత్తగా ఉంటుందో అర్థమైంది. దాంతో కథ వినకుండానే అంగీకారం తెలిపాను.

సింగరేణి ప్రాంతంలో దర్శకుడు చూసిన యువకుల జీవితం, అక్కడి స్నేహాలు, ఊరిలోని సామాజిక జీవనం వంటి అంశాలతో ఈ సినిమాను రూపొందించారు.

సహజంగా ఉండేందుకు అక్కడి లొకేషన్స్‌లోనే చిత్రీకరణ జరిపాం. మంచిర్యాల, రామకృష్ణాపురం, బీజోన్‌, గద్దెరాగడి వంటి ఊర్లలో షూటింగ్‌ చేశాం.

స్థానిక నటీనటులను తీసుకున్నాం. ఇక్కడి లొకేషన్స్‌ చూస్తుంటే మరో కేరళలా అనిపించింది.

ఈ కథలోని పాత్రలన్నీ అమాయకంగా ప్రవర్తిస్తుంటాయి. ఆ అమాయకత్వం నుంచే వినోదం పుడుతుంది.

తెలంగాణ నేపథ్య సినిమాను విశాఖపట్నం నిర్మాతలు నిర్మించడం విశేషం. మా చిత్రంలో రానా భాగస్వామి కావడం సంతోషంగా ఉంది.

సినిమా ప్రచారంలోనూ పాల్గొంటూ సొంత సినిమాలా ప్రమోట్‌ చేస్తున్నారు’ అన్నారు.

Thiruveer At Pareshan Movie Interview Photos