Syed Sohel | ఈ మూవీ నా కెరీర్‌కు గేమ్‌ ఛేంజర్‌లాంటిది : సయ్యద్‌ సోహెల్‌
Syed Sohel
Syed Sohel | బిగ్బాస్ ఫేం సయ్యద్‌ సోహెల్‌ ర్యాన్‌ (Syed Sohel) టైటిల్‌ రోల్‌లో నటిస్తున్న చిత్రం మిస్టర్ ప్రెగ్నెంట్ (Mr Pregnant).
డైరెక్టర్ శ్రీనివాస్‌ వింజనంపాటి డైరెక్ట్ చేస్తున్న ఈ చిత్రంలో రూప కొడవయూర్‌ హీరోయిన్‌గా నటిస్తోంది.
వినూత్న కథాంశంతో తెరకెక్కుతున్న ఈ మూవీ ఆగస్టు 18న (రేపు) థియేటర్లలో సందడి చేయనుంది.
ఈ నేపథ్యంలో ప్రమోషన్స్‌లో భాగంగా సోహెల్‌ మీడియాతో చిట్ చాట్ చేసి.. సినిమా విశేషాలు పంచుకున్నాడు.
డైరెక్టర్ శ్రీనివాస్‌ వింజనంపాటి ఎనిమిదేండ్లుగా నాకు స్నేహితుడు. ఈ కథను ఓ పెద్ద హీరోతో చేయాలనుకున్నాడు.
మేమిద్దరం కొత్తవాళ్లం (అప్పటికీ నేనింకా బిగ్‌బాస్‌కు రాలేదు) కాబట్టి సినిమా చేస్తే వర్కవుట్‌ కాదన్నాడు.
బిగ్‌ బాస్‌కు వచ్చిన తర్వాత నేను ఈ సినిమాలో హీరో అని శ్రీనివాస్‌ చెప్పాడు. ఆ తర్వాత సినిమాకు సైన్ చేయడంతో మొదలైంది.
బిగ్బాస్ నన్ను ప్రేక్షకులకు దగ్గర చేసింది. స్టార్ హీరోలు కమర్షియల్ సినిమాలు చేస్తే.. వారికి అభిమానులుంటారు కాబట్టి వర్కవుట్‌ అవుతుంది. కానీ నా లాంటి యువ హీరోలు ప్రేక్షకులను ఆకట్టుకోవాలంటే ఏదైనా కొత్తది చేయాలి.
మిస్టర్ ప్రెగ్నెంట్ చేయాలనుకున్నప్పుడు రిస్క్‌ అని ఏం ఆలోచించలేదు. నా లాంటి యువ నటులకు రొటీన్ కమర్షియల్ సినిమాలు చేయడం చాలా రిస్క్‌.
ప్రెగ్నెంట్ మహిళల కోసం స్పెషల్‌ స్క్రీనింగ్ ఏర్పాటు చేశాం. షో తర్వాత వాళ్లు భావోద్వేగంతో ఏడ్చేశారు. మహిళలు పడుతున్న ఇబ్బందులను చక్కగా చిత్రీకరించామన్నారు.
మా సినిమా ప్రేక్షకులకు ఎంతగా కనెక్ట్ అయ్యిందో చెప్పడానికి ఇదే ఉత్తమ ఉదాహరణ. రేపు థియేటర్లలో కూడా అదే స్పందన వస్తుందని ఆశిస్తున్నాం.
సినిమా విడుదల ఆలస్యమైనప్పుడు నేను డిప్రెషన్‌లోకి వెళ్లిపోయా. మిస్టర్ ప్రెగ్నెంట్‌పై చాలా ఆశలు పెట్టుకున్నా. ఇది నా కెరీర్‌కు గేమ్‌ ఛేంజర్‌లాంటిదని బలంగా నమ్ముతున్నా.
Mic Movies అప్పిరెడ్డి కొత్త దర్శకులు, హీరోలకు సపోర్టుగా నిలుస్తారు. ప్రస్తుతం కనీసం ఐదు నుంచి ఆరు కోట్ల బడ్జెట్ తో సినిమాలు తీస్తున్నారు.