రోజూ ఉద‌యం ఎండ‌లో న‌డిస్తే ఎన్ని లాభాలో తెలుసా?

January 18, 2022 / 05:47 AM IST

Sun Exposure and Vitamin D | బయట వాతావరణం చల్లగా ఉన్నప్పుడు, ఎవరైనా గదిలోనే ఉండేందుకు మొగ్గు చూపుతారు. అలా, శరీరానికి సూర్మరశ్మి అందకపోవడంతో విటమిన్‌-డి లోపం ఏర్పడుతుంది. అందువల్ల రోజూ ఉదయం పావుగంటయినా ఎండలో కూర్చోవడమో, నడవడమో చేయాలి. దీనివల్ల ఆ రోజుకు సరిపడా విటమిన్‌-డి అందుతుంది. విటమిన్‌-డి రోగ నిరోధక శక్తిని దృఢపరుస్తుంది. మానసిక సమస్యలను దూరం చేస్తుంది. పళ్లు, ఎముకలు, కండరాల ఆరోగ్యానికి తప్పనిసరి. ఆహారం ద్వారా తీసుకున్న క్యాల్షియాన్ని శరీరం గ్రహించేందుకు విటమిన్‌-డి చాలా అవసరమని నిపుణులు చెబుతారు. 76 శాతం భారతీయులు విటమిన్‌-డి లోపంతో బాధపడుతున్నట్లు ఇంటర్నేషనల్‌ జర్నల్‌ ఆఫ్‌ రీసెర్చి ఇన్‌ ఆర్థోపెడిక్స్‌ తెలిపింది. విటమిన్‌-డి లభించే పాలు, పాల పదార్థాలు, ఫిష్‌ ఆయిల్‌, పుట్టగొడుగు, గుడ్డు పచ్చసొనను నిత్య ఆహారంలో చేర్చుకోవాలి. వైద్యుల సలహాతో విటమిన్‌-డి సప్లిమెంట్లు కూడా వాడితే మరింత ప్రయోజనకరం.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి