Yeshoda and Rhea Sisters | కన్నడిగులకు శ్రావణమాసం పవిత్రమైంది. ప్రతి ఇంటా నిత్యం పూజలూ వ్రతాలే. బెంగళూరు వాసులూ ఇందుకు మినహాయింపు కాదు. ‘తెల్లారిపోతున్నది. ఇంకా నిద్రెలాపడుతుంది యశోదా? మార్కెట్కు వెళ్లి పూజకు పూలు తీసుకురా’ అంటూ తల్లిపోరు. ‘అమెరికా నుంచి వచ్చినా.. నీ గోల తప్పదా’ అంటూ యశోద విసుగ్గా మంచం దిగింది. ‘త్వరగా వెళ్లు తల్లీ! ఎండపడితే పూలు వాడిపోతాయి. పూజకు పనికిరావు’ అంటూ బుజ్జగిస్తున్న తల్లిని చూస్తూ ఆలోచనలో పడింది యశోద. ఏ పువ్వయినా రెండు రోజులకు మించి నిల్వ ఉండదు. అంటే, మార్కెట్కు వచ్చే సగానికి సగం పూలు జనానికి చేరవు. వాడిపోయి చెత్తపాలు అవుతాయి. ఎంత వృథా! పూల జీవితకాలాన్ని పెంచలేమా?’ అన్న ఆలోచనే, యశోదను ఆంత్రప్రెన్యూర్ను చేసింది. ‘హూవు ( Hoovu )’ అనే స్టార్టప్కు అదే పునాది.
యశోద వాషింగ్టన్ యూనివర్సిటీ పూర్వ విద్యార్థి. స్టాన్ఫర్డ్లో చదువుతున్న చెల్లి రియాతో కలిసి పూల వ్యాపారం ప్రారంభించింది. ఆమె తండ్రి రామకృష్ణకు కెన్యాలో గులాబీలు పండించిన అనుభవం ఉంది. ఆ నైపుణ్యంతోనే ఆయన ప్రత్యేకమైన గ్యాస్తో బ్యాక్టీరియా, తేమ లేకుండా గులాబీలను శుభ్రం చేస్తే దాదాపు పదిహేను రోజులవరకూ పూలు సహజత్వాన్ని కోల్పోవని సలహా ఇచ్చారు. అవసరమైన సామగ్రిని తెప్పించి ఇచ్చారు. అలా ప్రాసెస్ చేసిన పూలను వివిధ ప్రాంతాలకు సరఫరా చేస్తున్నారు. పది లక్షల పెట్టుబడితో మొదలైన వ్యాపారం నెలకు లక్షన్నరకు పైగా ఆర్డర్లతో పదిరెట్లు వృద్ధి చెందింది. చాలా దేవాలయాలు ‘హూవు’ సేవలు వినియోగించుకుంటున్నాయి. త్వరలోనే ‘పూజా కిట్’ పేరుతో పూజా సామగ్రి వ్యాపారంలోకి అడుగుపెడుతున్నారీ అక్కాచెల్లెళ్లు.
“టాలీవుడ్ మొదలు బాలీవుడ్ స్టార్స్ అందరితో ఇన్స్టా రీల్స్ చేయించగలిగే ఈ అమ్మాయి ఎవరో తెలుసా!!”
“అమెరికా వర్జీనియాలో వ్యవసాయం చేస్తున్న తెలంగాణ మహిళ”
ఇంజనీరింగ్, ఎంబీఏలు చదివి ఛాయ్ అమ్ముకుంటున్న యూత్.. ఎందుకింత క్రేజ్ !!”
వ్యాపారంలో సక్సెస్ కావాలంటే ఏం చేయాలి.. ముఖేశ్ అంబానీ గారాలపట్టి చెప్పిన విజయసూత్రాలివే..”
“అప్పుడు ఆత్మహత్య చేసుకుందామని అనుకుంది.. ఇప్పుడు అవార్డులు అందుకుంటుంది”