బూడిద గుమ్మడి రొట్టె

కావలసిన పదార్థాలు
బూడిద గుమ్మడికాయ తురుము: ఒక కప్పు, శెనగపిండి: ఒక కప్పు, బియ్యపు పిండి: ఒక కప్పు, కరివేపాకు: రెండు రెబ్బలు, పచ్చిమిర్చి: నాలుగు, ఉప్పు: తగినంత, కొత్తిమీర: కొద్దిగా, నూనె: సరిపడా.

తయారీ విధానం
ఒక గిన్నెలో బూడిద గుమ్మడికాయ తురుము, శెనగ పిండి, బియ్యపు పిండి, తరిగిన కరివేపాకు, పచ్చిమిర్చి, కొత్తిమీర, తగినంత ఉప్పు, కొద్దిగా నూనె వేసి తగినన్ని నీళ్లు పోసి చపాతీ ముద్దలా కలిపి అరగంట పాటు పక్కన పెట్టాలి. బాగా నానిన పిండి మిశ్రమాన్ని చిన్నచిన్న ఉండలు చేసి రొట్టెల్లా ఒత్తుకోవాలి. పెనం వేడయ్యాక రెండు వైపులా నూనె వేసి కాల్చుకుంటే బూడిద గుమ్మడి రొట్టె సిద్ధం.