అధికమైతే అనర్థమే

మొటిమలు అధికంగా ఉంటే.. వాటిని దాచడానికి ఎక్కువ మేకప్‌ వేస్తుంటారు. దీనివల్ల చర్మానికి మరింత నష్టం వాటిల్లుతుంది. మొటిమలు ఇంకా తీవ్రం అవుతాయి.

మొటిమలు అధికంగా ఉంటే.. వాటిని దాచడానికి ఎక్కువ మేకప్‌ వేస్తుంటారు. దీనివల్ల చర్మానికి మరింత నష్టం వాటిల్లుతుంది. మొటిమలు ఇంకా తీవ్రం అవుతాయి. ఇక సెన్సిటివ్‌ స్కిన్‌ ఉన్నవారిలోనూ మేకప్‌ వల్ల లేనిపోని చర్మ సమస్యలు వస్తుంటాయి. ఇందుకుగల కారణాలు, ప్రత్యామ్నాయాలను నిపుణులు వివరిస్తున్నారు.

మేకప్‌ ఎక్కువగా వేస్తే.. చర్మ రంధ్రాలు మూసుకుపోతాయి. దాంతో, గాలి ఆడకుండా అవుతుంది. చర్మంలో ఉండే సహజ నూనెలు బయటికి రాలేక.. బ్యాక్టీరియాతో కలిసిపోయి మరిన్ని కొత్త మొటిమలకు దారితీస్తాయి. అదే సెన్సిటివ్‌ స్కిన్‌ ఉన్నట్లయితే.. మేకప్‌లో వాడే రసాయనాలు, సువాసనలు చికాకు కలిగిస్తాయి. ఎక్కువగా మేకప్‌ వేసుకుంటే.. చర్మం ఎర్రబడటం, దురద లాంటి సమస్యలు పెరుగుతాయి. అంతేకాకుండా, అధికంగా వేసిన మేకప్‌ను క్లీన్‌ చేయడానికి చర్మాన్ని గట్టిగా రుద్దుతారు. దీనివల్ల అప్పటికే ఉన్న మొటిమలు చిట్లిపోతాయి. ఫలితంగా, ముఖంపై శాశ్వత మచ్చలు ఏర్పడతాయి. ఇలా కాకుండా ఉండాలంటే..

కొన్ని చిట్కాలు పాటించాలని సౌందర్య నిపుణులు చెబుతున్నారు. మొటిమలు ఎక్కువగా, సెన్సిటివ్‌ స్కిన్‌ ఉండేవారు.. నాన్‌-కామెడోజెనిక్‌ మేకప్‌ ఉత్పత్తులు వాడాలి. ఆయా ఉత్పత్తులు చర్మ రంధ్రాలను మూసివేయకుండా ఉంటాయి. ఇక ఫుల్‌ కవరేజ్‌ ఫౌండేషన్‌ కంటే తేలికపాటి క్రీమ్‌ వాడటం బెటర్‌. కేవలం మొటిమలు ఉన్న ప్రాంతంలోనే క్లెన్సర్‌ వాడాలి. మేకప్‌ బ్రష్‌లు, స్పాంజ్‌లను తరచుగా శుభ్రం చేసుకోవాలి. లేకుంటే అందులో ఉండే బ్యాక్టీరియా.. చర్మానికి ఇన్ఫెక్షన్‌ కలిగిస్తుంది. ఇక రాత్రి పడుకునే ముందు మేకప్‌ను పూర్తిగా తొలగించాలి. ఇలా చిన్నచిన్న చిట్కాలు పాటిస్తే.. మొటిమలు దూరం అవుతాయి. చర్మం
నిగారింపు సంతరించుకుంటుంది.