జపాన్‌ రాయితో చెక్కిన శిల్పంలా!

ఎన్ని సౌందర్య ఉత్పత్తులు వాడినా, మరెన్ని ఆరోగ్య సూత్రాలు పాటించినా.. ముఖంపై నల్లటి మచ్చలు ఏర్పడుతుంటాయి. కొందరిలో ఈ సమస్య తక్కువగా ఉంటే.. మరికొందరిలో తీవ్రంగా ఉంటుంది. ముఖంపై కనిపించే మచ్చలు, ముడతలు వారి ఆత్మవిశ్వాసాన్ని దెబ్బతీస్తాయి.

ఎన్ని సౌందర్య ఉత్పత్తులు వాడినా, మరెన్ని ఆరోగ్య సూత్రాలు పాటించినా.. ముఖంపై నల్లటి మచ్చలు ఏర్పడుతుంటాయి. కొందరిలో ఈ సమస్య తక్కువగా ఉంటే.. మరికొందరిలో తీవ్రంగా ఉంటుంది. ముఖంపై కనిపించే మచ్చలు, ముడతలు వారి ఆత్మవిశ్వాసాన్ని దెబ్బతీస్తాయి. ఈ సమస్యకు మేలైన పరిష్కారం గువా షా! జపనీయులు వాడే ఈ బ్యూటీ స్టోన్‌తో ఎన్నో ప్రయోజనాలు ఉన్నాయట. గువా షాతో మసాజ్‌ చేయడం వల్ల అనేక లాభాలు ఉన్నాయని సౌందర్య నిపుణులు దీనిని సిఫారసు చేస్తున్నారు.

• గువా షా స్టోన్‌తో మృదువుగా మర్దనా చేయడం వల్ల ముఖంపై రక్తప్రసరణ మెరుగుపడుతుంది. దీంతో చర్మం టైట్‌గా మారి యవ్వనంగా కనిపిస్తారు. ఈ రాయితో రెగ్యులర్‌గా మసాజ్‌ చేసుకుంటే ముఖంపై ముడతలు తగ్గుతాయి.
• ఈ స్టోన్‌ మసాజ్‌తో చర్మంలో కొల్లాజెన్‌ ఉత్పత్తి పెరుగుతుంది. ముఖంపై ఏర్పడిన వాపులు కూడా తగ్గుతాయి. చర్మంపై ఉన్న టాక్సిన్స్‌
  దూరమవుతాయి.
• రాతితో మర్దనా చేయడంతో కండరాలపై ఒత్తిడి తగ్గుతుంది. చర్మం కాంతిమంతంగా ఆకర్షణీయంగా మారుతుంది. మొటిమలు, మచ్చలు తగ్గుతాయి.
• సరిపడినంత నిద్ర లేకపోవడం, ఒత్తిడి, మొబైల్‌ ఫోన్లను ఎక్కువగా చూడటం వల్ల కంటి కింద నల్లటి వలయాలు వస్తాయి. ఈ స్టోన్‌తో మర్దనా చేయడం వల్ల నల్లటి వలయాలు తగ్గుతాయి. అయితే, కళ్ల కింద చర్మం చాలా మృదువుగా ఉంటుంది. కాబట్టి మసాజ్‌ చేసే సమయంలో జాగ్రత్త తప్పనిసరి.

మసాజ్‌ ఇలా..

మీ చర్మానికి సరిపడే ఏదైనా సీరమ్‌ను ముందుగా ముఖానికి అప్లయ్‌ చేసుకోవాలి. తర్వాత శుభ్రంగా కడిగిన గువా షా స్టోన్‌తో మెల్లగా, మృదువుగా మసాజ్‌ చేయాలి. ముఖంలోని కింది భాగం నుంచి పైకి నిదానంగా రుద్దుతూ ఉండాలి.