పురుషుడా.. జాగ్రత్త!

స్త్రీ పురుషుల శరీరతత్వం వేరు. స్వభావాలు వేరు. పురుషులు సహజంగానే ఆరోగ్యం విషయంలో కొంత అశ్రద్ధగా ఉంటారు. ఫలితంగా సమస్య కొన్నిసార్లు తీవ్రంగా మారుతుంది. కాబట్టి, రుగ్మత ప్రాథమిక దశలో ఉన్నప్పుడే గుర్తించి చికిత్స తీసుకోవాలి. ముఖ్యంగా 40 ఏండ్లు దాటిన వాళ్లు

స్త్రీ పురుషుల శరీరతత్వం వేరు. స్వభావాలు వేరు. పురుషులు సహజంగానే ఆరోగ్యం విషయంలో కొంత అశ్రద్ధగా ఉంటారు. ఫలితంగా సమస్య కొన్నిసార్లు తీవ్రంగా మారుతుంది. కాబట్టి, రుగ్మత ప్రాథమిక దశలో ఉన్నప్పుడే గుర్తించి చికిత్స తీసుకోవాలి. ముఖ్యంగా 40 ఏండ్లు దాటిన వాళ్లు, ఏడాదికి ఒకటిరెండు సార్లు అయినా రోగ నిర్ధారణ పరీక్షలు చేయించుకోవడం ఉత్తమం.

• తరచూ మూత్రానికి వెళ్లాల్సి రావడం, అధిక దాహం, మూత్రంలో మంట, మూత్రం బయటికి రావడంలో ఇబ్బంది.. మొదలైన లక్షణాలు ఉంటే వెంటనే డాక్టర్‌ను సంప్రదించాలి. మూత్రంలో రక్తం కనిపిస్తే దాన్ని ఇన్‌ఫెక్షన్‌గా గుర్తించాలి. కొన్నిసార్లు ప్రొస్టేట్‌ క్యాన్సర్‌, కిడ్నీలో రాళ్లు తదితర సమస్యలు ఉన్నప్పుడూ మూత్రంలోరక్తం పడుతుంది. అలాగే తరచూ మూత్రవిసర్జన జరుగుతుంటే అది బ్లాడర్‌ ఇన్‌ఫెక్షన్‌, యూరినరీ ట్రాక్ట్‌ ఇన్‌ఫెక్షన్‌, మధుమేహం, కిడ్నీ, గుండె జబ్బులకు సూచికగా పరిగణించాలి.
• వృషణాలు సున్నితంగా ఉంటాయి. ఉబ్బినా, పరిమాణం పెరిగినా అది టెస్టిక్యులర్‌ క్యాన్సర్‌ ప్రధాన లక్షణమని భావించాలి.
• రోజూ గరిష్టంగా పది గ్లాసుల నీళ్లు తాగడం మంచిది. అయితే ఎంత తాగినా ఇంకా దాహంగా అనిపించడం కూడా సాధారణ లక్షణమేం కాదు. ఇది
  అంతర్గత రక్తస్రావం, గుండె, కాలేయం, కిడ్నీ ఫెయిల్యూర్‌ సంకేతం కావచ్చు. మధుమేహ చరిత్ర ఉన్న కుటుంబమైతే ఇంకొంత అప్రమత్తత అవసరం.