Hot Summer | హాట్ స‌మ్మ‌ర్‌లో మీ ఇంటిని ఇలా కూల్ కూల్‌గా మార్చేసుకోండి

Hot Summer | బయట ఎండలు దంచికొడుతున్నాయి. ఇంట్లో కూర్చున్నా వేడి సెగలు వదలడం లేదు. అందరూ ఏసీలు పెట్టుకోలేరు. పెట్టుకున్నా అన్ని గదుల్లో పెట్టుకోలేరు. మరేం చేయాలి?

అనవసర వస్తువులు వద్దు: ఇంట్లో అవసరం లేని వస్తువులను తొలగించాలి. దానివల్ల ఖాళీ స్థలం పెరుగుతుంది. ఉక్కపోత తగ్గిపోయి గాలి ఆడుతుంది.

వాటర్‌ ఫౌంటెయిన్‌: మార్కెట్లో చిన్నచిన్న ఫౌంటెయిన్లు అందుబాటులో ఉన్నాయి. వాటిని ఇంట్లో కిటికీల దగ్గర, గది మూలలకు, హాలు మధ్యలో పెట్టుకోవచ్చు. ఇవి ఇంటి లోపలి గాలిలో తేమను పెంచుతాయి.

పచ్చ లైట్లు వద్దు: వేడిని పెంచే లైట్లను వాడొద్దు. అవి వర్షకాలం, శీతకాలంలో మాత్రమే మేలుచేస్తాయి. చల్లదనాన్ని పెంచే కూల్‌ ట్యూబ్‌లైట్లు మార్కెట్‌లో దొరుకుతున్నాయి.

కూల్‌ పెయింట్‌: ఇంటి పైకప్పు నుంచి వేడి కిందికి దిగకుండా కూల్‌ పెయింట్‌ వేయించవచ్చు. స్లాబు మీద అధిక ఎస్‌ఆర్‌ఐ (సోలార్‌ రిఫ్లెక్టివ్‌ ఇండెక్స్‌) ఉన్న పెయింట్‌ వేస్తే, ఇంట్లో వాతావరణం చల్లగా ఉంటుంది.

పచ్చదనం: ఇంటి లోపల మొక్కల కుండీలు పెట్టుకోవాలి. గదికి రెండు చొప్పున ఉన్నా చాలు. ఎంతోకొంత ఉక్కపోతను తగ్గిస్తాయి. ఏపుగా ఉన్న మొక్కలను కిటికీల దగ్గర పెడితే, సూర్యరశ్మిని అడ్డుకుంటాయి.

ఎగ్జాస్ట్‌ ఫ్యాన్‌: వంటగది, బాత్‌రూముల్లో ఎగ్జాస్ట్‌ ఫ్యాన్లను అమర్చాలి. అవి వేడిగాలిని ఎప్పటికప్పుడు బయటికి పంపి ఇంటిని చల్లగా ఉంచుతాయి.

Read More :

“Summer Food | స‌మ్మ‌ర్‌లో ఈ ఫుడ్ తింటే ఏమ‌వుతుందో తెలుసా”

ఈ స‌మ్మ‌ర్‌లో షుగ‌ర్ పేషెంట్స్ ఇవి ట్రై చేయొచ్చు”

“Taati munjalu | డీహైడ్రేషన్‌తో బాధపడుతున్నారా.. ఇవి తింటే చాలు!”

“పెరుగును ఇలా ఉప‌యోగించండి.. అనారోగ్య స‌మ‌స్య‌ల‌కు చెక్ పెట్టండి..!”