Health Tips for Women | పీరియడ్స్‌ టైంలో సమస్యలా.. ఈ వర్కౌట్స్‌ చేయండి!

Health Tips for Women | రుతుక్రమ సమయంలో రక్తస్రావం వల్ల విపరీతమైన నిస్సత్తువ ఆవహిస్తుంది. హార్మోన్‌ సమస్యల వల్ల చిరాకు సహజం. ఒంటినొప్పులు, కండరాల సమస్యలూ ఉంటాయి. ఆ పరిస్థితుల్లో వ్యాయామం చేస్తే ఇబ్బందులు మరింత తీవ్రం అవుతాయనే అభిప్రాయం ఉంది.

Health Tips for Women | రుతుక్రమ సమయంలో రక్తస్రావం వల్ల విపరీతమైన నిస్సత్తువ ఆవహిస్తుంది. హార్మోన్‌ సమస్యల వల్ల చిరాకు సహజం. ఒంటినొప్పులు, కండరాల సమస్యలూ ఉంటాయి. ఆ పరిస్థితుల్లో వ్యాయామం చేస్తే ఇబ్బందులు మరింత తీవ్రం అవుతాయనే అభిప్రాయం ఉంది. నిజానికి, కాస్త జాగ్రత్తగా కసరత్తు చేస్తే కనుక, వివిధ రుగ్మతల నుంచి ఉపశమనం కూడా లభిస్తుందని చెబుతున్నారు ఆరోగ్య నిపుణులు. అవి…

• జాగింగ్‌, పరుగు లాంటివి ఈ సమయంలో కూడా కొనసాగించవచ్చు. కాకపోతే, వ్యాయామాలు చేసేటప్పుడు పుష్కలంగా నీళ్లు తాగాలి.
• నేలమీద బోర్లా పడుకుని మోచేతులు, కాలివేళ్ల సాయంతో శరీరాన్ని కదిలించే వ్యాయామాన్ని ప్లాంకింగ్‌ అంటారు. పీరియడ్స్‌ సమయంలో ఈ కసరత్తు వల్ల మంచి ఫలితం ఉంటుంది.
• చిన్నపాటి యోగాసనాలు, తేలికపాటి ప్రాణాయామం వల్ల రక్త ప్రసరణ మెరుగుపడుతుంది. మానసిక ఒత్తిడి కూడా దూరమవుతుంది.
• ఇష్టమైన సంగీతానికి అనుగుణంగా కాలు కదిపితే… మూడ్‌తో పాటు ఆరోగ్యమూ కుదుటపడుతుంది. పీరియడ్‌ అనే విషయమే మర్చిపోతారు.
• ఈత పరిపూర్ణమైన ఆరోగ్యాన్ని, ఉపశమనాన్ని అందిస్తుంది. కాకపోతే.. నీటిలోకి దిగేటప్పుడు మెన్‌స్ట్రువల్‌ కప్స్‌ లాంటివి వినియోగించాలి.నిపుణుల సలహాతో.. ఉదర సంబంధమైన వ్యాయామాలు కూడా చేయవచ్చు.