పండుగ తర్వాత ఏం తీసుకుందాం?

తొమ్మిది రోజుల ఉపవాసాల తర్వాత పండుగనాడు ఎలాంటి పరిమితులూ లేకుండా ఇష్టమైన ఆహారాన్ని ఓ ముద్ద ఎక్కువే లాగిస్తాం. అయితే ఒక్కసారిగా పొట్టనిండా ఆరగిస్తే.. జీర్ణ సమస్యలు తప్పవు. అందుకే, కొద్దిరోజుల పాటు ఈ చిట్కాలు పాటించాలి..

తొమ్మిది రోజుల ఉపవాసాల తర్వాత పండుగనాడు ఎలాంటి పరిమితులూ లేకుండా ఇష్టమైన ఆహారాన్ని ఓ ముద్ద ఎక్కువే లాగిస్తాం. అయితే ఒక్కసారిగా పొట్టనిండా ఆరగిస్తే.. జీర్ణ సమస్యలు తప్పవు. అందుకే, కొద్దిరోజుల పాటు ఈ చిట్కాలు పాటించాలి..

• ఉదయం నిద్రలేవగానే గోరువెచ్చని నీళ్లు తాగండి. అందులో నిమ్మకాయ పిండుకోవడం అస్సలు మరిచిపోవద్దు.
• నిమ్మరసంలో పుదీనా, కొత్తిమీర కలుపుకొని తాగితే కూడా.. జీర్ణవ్యవస్థకు ప్రయోజనం చేకూరుతుంది. కొత్తిమీరలో ఫైబర్‌ పుష్కలంగా ఉంటుంది.
• నిమ్మ, నారింజ, ద్రాక్ష రసాలు పొట్టను శుభ్రపరచడంలో తమవంతు పాత్ర పోషిస్తాయి.
• పెరుగు, పనీర్‌ వంటివి అరుగుదలకు చక్కగా ఉపకరిస్తాయి.
• మధ్యాహ్నం పూట భారీ విందు లాగించి ఉంటే రాత్రికి మాత్రం మితాహారానికే ఓటెయ్యండి.