ఆహార పదార్థాలను ఎంచుకోవడంలోనే సగం ఆరోగ్యం ఇమిడి ఉంటుంది. ఎందులో ఎలాంటి పోషకాలు ఉన్నాయో తెలుసుకుని తినడం మంచిది. అయితే కొన్నిటిని తినొచ్చని తెలిసినా కూడా, వండుకోవడానికి పెద్దగా ఇష్టపడరు. వాటిలో ఒకటి బూడిద గుమ్మడికాయ. దిష్టి కోసం ఇంటి ముందు కట్టడానికే పరిమితమైన బూడిద గుమ్మడిలో పోషకాలు అనేకం. పైగా ఇందులో క్యాలరీలు తక్కువ. విటమిన్ ఎ, బి6, సి, ఇ పుష్కలం. మెగ్నీషియం, ఫాస్ఫరస్, ఐరన్, ఫొలేట్, నియాసిన్, థయామిన్, కెరోటిన్, ల్యుటెయిన్, జియాక్సాంథిన్ వంటి ఖనిజ లవణాలూ ఉంటాయి. ఇవన్నీ మన ఆరోగ్యానికి ఎంతో ఉపయోగపడతాయి.