Visit:
హైదరాబాద్‌: జమ్ముకశ్మీర్‌లో విధులు నిర్వహిస్తున్న తెలంగాణకు చెందిన జవాన్‌ ఆత్మహత్య (Jawan Suicide) చేసుకున్నాడు. అతని భౌతికకాయాన్ని ఆర్మీ అధికారులు కుటుంబ సభ్యులకు అందజేశారు. వరంగల్‌ జిల్లా నర్సంపేటకు చెందిన సంపంగి నాగరాజు జమ్ముకశ్మీర్‌లోని సాంబా జిల్లాలో అంతర్జాతీయ సరిహద్దుకు సమీపంలోని సరోజ్‌ ఔట్‌పోస్టు వద్ద సెంట్రీ విధులు నిర్వహిస్తున్నాడు.
ఈ క్రమంలో ఆదివారం (ఈనెల 18న) సాయంత్రం 4.30 గంటల సమయంలో తన సర్వీస్‌ రివాల్వర్‌తో కాల్చుకుని ఆత్మహత్య చేసుకున్నాడు. దీంతో మంగళవారం ఉదయం అతని భౌతికకాయాన్ని కుటుంబ సభ్యులకు ఆర్మీ అధికారులు అప్పగించారు. కుటుంబ సమస్యల వల్లే నాగరాజు ఆత్మహత్య చేసుకున్నాడని అతని బంధువులు వెల్లడించారు.
