ఎమ్మెల్యే కేఆర్ నాగరాజు వివక్ష.. మండల ప్రత్యేక సమావేశాన్ని బైకాట్‌ చేసిన సర్పంచులు

ఎమ్మెల్యే కేఆర్ నాగరాజు ప్రతిపక్ష సర్పంచులు ఉన్న గ్రామాలకు నిధులు కేటాయించడం లేదంటూ ఆరోపిస్తూ ఐనవోలు మండల ప్రత్యేక సమావేశాన్ని బీఆర్ఎస్, ఇండిపెండెంట్ సర్పంచులు బైకాట్‌ చేశారు.

ఐనవోలు : హనుమకొండ జిల్లా వర్ధన్నపేట ఎమ్మెల్యే కేఆర్ నాగరాజు ప్రతిపక్ష సర్పంచులు ఉన్న గ్రామాలకు నిధులు కేటాయించడం లేదంటూ ఆరోపిస్తూ ఐనవోలు మండల ప్రత్యేక సమావేశాన్ని బీఆర్ఎస్, ఇండిపెండెంట్ సర్పంచులు బైకాట్‌ చేశారు.  సమావేశం జరుగుతున్న రైతు వేదిక ముందు బైఠాయించి నిరసన వ్యక్తం చేశారు. నిధులు కేటాయించకపోవడంతో అభివృద్ధి పనులు కుంటుపడుతున్నాయని ఆవేదన వ్యక్తం చేశారు. ఇప్పటికైనా వివక్ష పాటించకుండా నిధులు కేటాయించాలని డిమాండ్‌ చేశారు.