Arts College | యువజన పార్లమెంట్‌లో ఆర్ట్స్​‍ కాలేజీ విద్యార్థి విఘ్నేష్‌ ప్రతిభ

ఆర్ట్స్​‍ కాలేజీకి చెందిన బీఏ విద్యార్థి విఘ్నేష్‌ మై భారత్‌-వరంగల్‌ ఆధ్వర్యంలో వాగ్దేవి కళాశాలలో అక్టోబర్‌ 31న నిర్వహించిన జిల్లాస్థాయి యువజన పార్లమెంట్‌ కార్యక్రమంలో ప్రతిభ కనబరిచారు.

హనుమకొండ చౌరస్తా, నవంబర్‌ 2: కాకతీయ విశ్వవిద్యాలయం ఆర్ట్స్​‍ కాలేజీకి చెందిన బీఏ విద్యార్థి విఘ్నేష్‌ మై భారత్‌-వరంగల్‌ ఆధ్వర్యంలో వాగ్దేవి కళాశాలలో అక్టోబర్‌ 31న నిర్వహించిన జిల్లాస్థాయి యువజన పార్లమెంట్‌ కార్యక్రమంలో ప్రతిభ కనబరిచారు. యువజన పార్లమెంట్‌లో ప్రజాస్వామ్య అంశాలపై తన అవగాహనను ప్రదర్శించి ప్రత్యేక గుర్తింపు పొందారు.

సందర్భంగా సోమవారం కాలేజీ ప్రిన్సిపాల్‌ ప్రొఫెసర్‌ సుంకరి జ్యోతి విఘ్నేష్‌ను అభినందించి ప్రశంసాపత్రాన్ని అందజేశారు. విద్యార్థులు విద్యతో పాటు సామాజిక, ప్రజాస్వామ్య అంశాలపై అవగాహన పెంపొందించుకోవాలని ఆమె సూచించారు. కార్యక్రమంలో వైస్ ప్రిన్సిపాల్‌ ఎస్.ఎం.రెహమాన్‌, ఎన్‌ఎస్ఎస్ ప్రోగ్రామ్‌ అధికారులు ఎస్.శ్రీదేవి, ఎన్‌.చందర్‌, ఎ.శ్రీలత పాల్గొన్నారు.