Power crisis | కాంగ్రెస్‌ చేతకాని పాలనతో రాష్ట్రంలో విద్యుత్‌ సంక్షోభం : మాజీ ఎమ్మెల్యే గండ్ర

Power crisis | కాంగ్రెస్ తెలివిలేని, చేతకానితనంతోనే రాష్ట్రంలో విద్యుత్ సంక్షోభం ఏర్పడిందని భూపాలపల్లి మాజీ ఎమ్మెల్యే గండ్ర వెంకట రమణారెడ్డి ఆరోపించారు.

జయశంకర్ భూపాలపల్లి : కాంగ్రెస్ ( Congress ) తెలివిలేని, చేతకానితనంతోనే రాష్ట్రంలో విద్యుత్ సంక్షోభం ( Power crisis ) ఏర్పడిందని భూపాలపల్లి మాజీ ఎమ్మెల్యే గండ్ర వెంకట రమణారెడ్డి ( Gandra Venkataramana Reddy ) ఆరోపించారు. జిల్లా కేంద్రంలోని బీఆర్ఎస్ పార్టీ జిల్లా కార్యాలయంలో గురువారం మీడియా సమావేశంలో ఆయన మాట్లాడారు.

విద్యుత్ సంక్షోభంతో రాష్ట్రం పరిస్థితి హృదయ విషాదకరంగా ఉందని పేర్కొన్నారు. అనాలోచితమైన రేవంత్ ఆలోచనలతో రైతులు అరిగోస పడుతున్నారని ఆందోళన వ్యక్తం చేశారు. సింగరేణికి రాష్ట్ర ప్రభుత్వం బకాయిలు చెల్లించకపోవడంతో బొగ్గుగనుల్లో ఉత్పత్తి పూర్తిగా తగ్గిందని ఆరోపించారు.

సింగరేణి వ్యాప్తంగా 70 లక్షల మెట్రిక్ టన్నుల ఉత్పత్తి కావాల్సి ఉండగా కాంగ్రెస్ తెలివి తక్కువ తనంతో కేవలం 58 లక్షల మెట్రిక్ టన్నులకు తగ్గిందని వెల్లడించారు. రాజకీయ కక్షలో భాగంగానే కాళేశ్వరం ప్రాజెక్టులో నీటిని ఎత్తిపోయడం లేదని, విద్యుత్ పై విషయ పరిజ్ఞానం లేక అధికారులను బెదిరింపులకు గురిచేయడం సిగ్గుచేటని విమర్శించారు.