రేపు 108లో ఈఎంటీ ఉద్యోగాల కోసం ఇంటర్వ్యూ

108లో ఈఎంటీ ఉద్యోగాల కోసం ఇంటర్వ్యూకు హాజరు కావాలని ఉమ్మడి వరంగల్‌ జిల్లాల 108 సేవల ప్రోగ్రాం మేనేజర్‌ శివకుమార్‌ తెలిపారు. 108 ఈఎంఆర్‌ఐ గ్రీన్‌ హెల్త్‌ సర్వీసెస్‌ సంస్థలో ఉద్యోగ నియామకాలు చేపడుతున్నట్లు పేర్కొన్నారు.

హనుమకొండ, జనవరి 17: 108లో ఈఎంటీ ఉద్యోగాల కోసం ఇంటర్వ్యూకు హాజరు కావాలని ఉమ్మడి వరంగల్‌ జిల్లాల 108 సేవల ప్రోగ్రాం మేనేజర్‌ శివకుమార్‌ తెలిపారు. 108 ఈఎంఆర్‌ఐ గ్రీన్‌ హెల్త్‌ సర్వీసెస్‌ సంస్థలో ఉద్యోగ నియామకాలు చేపడుతున్నట్లు పేర్కొన్నారు. ఆసక్తిగల అభ్యర్థులు ఒరిజినల్‌ సర్టిఫికెట్లు, జిరాక్స్‌ సెట్‌ను వెంట తీసుకుని ప్రత్యక్ష ఇంటర్వ్యూకు హాజరు కావాలని కోరారు. బీఎస్సీ, లైఫ్‌ సైన్స్‌, బీఎస్సీ నర్సింగ్‌, జీఎన్‌ఎం, ఏఎన్‌ఎం, బీఎస్సీ ఎంఎల్‌టీ పూర్తి చేసి ఉండాలన్నారు.

వయస్సు 30 ఏళ్లలోపు వారు అర్హు లని, ఎంపికైన వారు మొదటి మూడు నెలలు హైదరాబాద్‌లో పనిచేయాల్సి ఉంటుందని పేర్కొన్నారు. హనుమకొండ కలెక్టరేట్‌లోని రూమ్‌ నంబర్‌ జీ-32లో ఈ నెల 19న ఉదయం 9.30 నుంచి మధ్యాహ్నం 2.30 గంటల వరకు ఇంటర్వ్యూ ఉంటుందన్నారు. వివరాలకు 91007 99258 నంబర్‌లో సంప్రదించాలని కోరారు.