నిట్‌లో నేటి నుంచి స్ప్రింగ్‌ స్ప్రీ

కల్చరల్‌ ఫెస్ట్‌ స్ప్రింగ్‌స్ప్రీ-2024 వసంతోత్సవానికి నిట్‌ రెడీ అయింది. ఈ నెల 5 నుంచి 7 వరకు మూడు రోజుల పాటు వేడుకలను నిర్వహించేందుకు అధికారులు ఏర్పాట్లు చేశారు. శుక్రవారం సాయంత్రం 4 గంటలకు నిట్‌ డైరెక్టర్‌ ప్రొఫెసర్‌ బిద్యాధర్‌ సుబుధి ఈవెంట్‌ను ప్రారంభించనున్నారు.

• మూడు రోజులు 35 ఈవెంట్లు..
• పాల్గొననున్న 10 వేల మంది విద్యార్థులు
• వేడుకలను ప్రారంభించనున్న డైరెక్టర్‌ బిద్యాధర్‌ సుబుధి

హనుమకొండ చౌరస్తా, ఏప్రిల్‌ 4 : కల్చరల్‌ ఫెస్ట్‌ స్ప్రింగ్‌స్ప్రీ-2024 వసంతోత్సవానికి నిట్‌ రెడీ అయింది. ఈ నెల 5 నుంచి 7 వరకు మూడు రోజుల పాటు వేడుకలను నిర్వహించేందుకు అధికారులు ఏర్పాట్లు చేశారు. శుక్రవారం సాయంత్రం 4 గంటలకు నిట్‌ డైరెక్టర్‌ ప్రొఫెసర్‌ బిద్యాధర్‌ సుబుధి ఈవెంట్‌ను ప్రారంభించనున్నారు. మూడు రోజుల్లో దాదాపు 35 ఈవెంట్‌లు ప్లాన్‌ చేసినట్లు నిట్‌ డైరెక్టర్‌ తెలిపారు. 1978 నుంచి నిర్వహిస్తున్న ఈ ఉత్సవం దక్షిణ భారతదేశంలోనే అతిపెద్ద సాంస్కృతిక ఉత్సవాల్లో ఒకటని, ఈ సంవత్సరం రెండు ప్రో షోలు ఉంటాయని పేర్కొన్నారు. స్టూడెంట్‌ వెల్ఫేర్‌ డీన్‌ శ్రీనివాసాచార్య మాట్లాడుతూ.. ఈవెంట్‌లో 10 వేల మంది విద్యార్థులు పాల్గొంటారని తెలిపారు.

నేటి ఈవెంట్లు..

సాయంత్రం 4 గంటల తర్వాత అన్‌సాల్వ్‌డ్‌, నుకడ్‌ నాటక్‌, నిట్‌ గాట్‌ టాలెంట్‌, ఫిల్మ్‌ ట్రెజర్‌ హంట్‌, ఫిల్మ్‌ క్విజ్‌, కొరియో నైట్‌, కూచిపూడి నాట్యకళ, ఫుడ్‌ హంట్‌

ప్రో షోలు : గాయకుడు హరిచరణ్‌, ప్రముఖ సౌత్‌ ఇండియన్‌ రాక్‌ బ్యాండ్‌ చౌరస్తా ప్రదర్శన

6న జరిగే ఈవెంట్లు..

సోలో ఐడల్‌, డైరెక్టర్స్‌ కట్‌, ఫిల్మ్‌ క్విజ్‌, హంగర్‌ గేమ్స్‌, ఫొటో పజిల్‌,

ప్రో షోలు: గాయకుడు నకాశ్‌ అజీజ్‌, ఇండియన్‌ రాక్‌ బ్యాండ్‌, లోహర్‌ ది బ్లాక్‌స్మిత్‌ ప్రదర్శన 7న జనరల్‌ క్విజ్‌, డైరెక్టర్స్‌ కట్‌, సీపీఆర్‌ రిలే