Money Plant | మనీ మీద మమకారంతో ఇంట్లో, ఆఫీస్లో మనీప్లాంట్ పెంచుకుంటారు చాలామంది. మొక్క పెరిగేకొద్దీ సంపదలూ పెరుగుతాయని ఓ నమ్మకం. అయితే, ఈ కాసుల మొక్కను ఎక్కడ పడితే అక్కడ పెంచడం అశుభమని హెచ్చరిస్తారు వాస్తు నిపుణులు.
సాధారణంగా దైవానికి సంబంధించినది ఏదైనా ఈశాన్య దిశలో ఉంచడానికి ప్రయత్నిస్తాం. అయితే, మనీ ప్లాంట్ను మాత్రం ఈశాన్యంలో పెంచకూడదు. ఇంటికి ఈశాన్యం మూలలో మనీప్లాంట్ నాటితే, రుణాత్మక శక్తి పెరిగిపోయి ఆర్థిక సమస్యలు ఇబ్బందిపెడతాయని హెచ్చరిస్తారు నిపుణులు. అదే ఆగ్నేయ దిశలో పెంచితే కుజ, శుక్ర గ్రహాల అనుగ్రహంతో ఆదాయం పెరుగుతుందని చెబుతున్నారు. రుణబాధలూ తగ్గుతాయంటారు.
మనీప్లాంట్ తీగ గృహానికి కొత్త శోభ తీసుకొస్తుంది. గ్రౌండ్ఫ్లోర్ ఇంట్లో అయినా మనీప్లాంట్ను నేలలో కాకుండా, కుండీలోగానీ, నీళ్ల సీసాలోగానీ పెంచడం మంచిది. అలాగే, తీగను నేలపై పాకించకుండా, పందిరి ఎక్కించాలి. ఇలా చేయడం వల్ల ఆర్థిక పురోగతి బాగుంటుందని వాస్తు నిపుణులు చెబుతున్నారు. అలాగే ఈ మొక్కను వాకిట్లోనో, పెరట్లోనో కాకుండా ఇంట్లో కానీ, బాల్కనీలో కానీ పెంచుకోవడం మంచిది.
మనీప్లాంట్ను నర్సరీ నుంచి కొని తెచ్చుకోవాలి. అంతేకానీ ఎవరినుంచీ ఉచితంగా తీసుకోవడం గానీ, ఇతరులకు ఇవ్వడం గానీ మంచిది కాదంటారు. దీనివల్ల ఇచ్చేవారి అదృష్టం, తీసుకునేవారికి వెళ్లిపోతుందని విశ్వసిస్తారు. అటూ ఇటూ అయినా కావచ్చు.
“వందేండ్ల తర్వాత కనిపించిన లిప్స్టిక్ మొక్క”
Vasthu Shastra | ఇంటికి ఉత్తరంలో టాయిలెట్లు ఉండొద్దా? వాటిని తిప్పి కట్టొచ్చా?
Vasthu Shastra | ఇంటికి ఉత్తరంలో టాయిలెట్లు ఉండొద్దా? వాటిని తిప్పి కట్టొచ్చా?
ఇల్లు కట్టే ప్రదేశంలో ‘కొబ్బరి చెట్టు’ వస్తున్నది. దానిని ఉంచాలా? లేదంటే తీసేసి ఇల్లు కట్టుకోవాలా?