హైదరాబాద్ బిర్యానీ బోర్ కొట్టిందా? ఈ వెరైటీ బిర్యానీలను ట్రై చేయండి

హైదరాబాద్ బిర్యానీ తిని బోర్ కొట్టిందా? | ఎక్కడ చూసినా హైదరాబాదీ బిర్యానీయే. హైదరాబాద్ దాటి వేరే ప్రాంతం వెళ్లినా.. అక్కడ కూడా హైదరాబాదీ

October 16, 2021 / 10:26 PM IST

హైదరాబాద్ బిర్యానీ బోర్ కొట్టిందా? ఈ వెరైటీ బిర్యానీలను ట్రై చేయండి

Hyderabadi Biryani | ఎక్కడ చూసినా హైదరాబాదీ బిర్యానీయే. హైదరాబాద్ దాటి వేరే ప్రాంతం వెళ్లినా.. అక్కడ కూడా హైదరాబాదీ బిర్యానీయే. హైదరాబాద్ బిర్యానీ తిని తిని బోర్ కొట్టిందా? హైదరాబాద్ లోనే హైదరాబాద్ బిర్యానీ కాకుండా.. వెరైటీ బిర్యానీలు తినాలని ఉందా? అయితే మీరు ఈ వెరైటీ బిర్యానీలను ట్రై చేయాల్సిందే.

Hyderabadi Biryani : హైదరాబాద్ లో హైదరాబాదీ బిర్యానీ ఎంత ఫేమస్సో.. బెంగళూరులో దొన్నె బిర్యానీ అంత ఫేమస్. ఇన్ని రోజులు ఆ ట్రెండ్ బెంగళూరులోనే ఉండేది. తాజాగా దొన్నె బిర్యానీ కల్చర్ మన సిటీకి కూడా వచ్చేసింది. హైదరాబాద్ లోని పలు రెస్టారెంట్లలో ఇప్పుడు దొన్నె బిర్యానీ కూడా లభిస్తోంది.

దొన్నె అనే ఆకులతో చేసిన స్పెషల్ బౌల్స్ లో ఈ బిర్యానీని సర్వ్ చేస్తారు. కొత్తిమీర, పూదీన ఆకులతో వండిన అన్నంలో ఫ్రై చేసిన చికెన్ పీసెస్ వేసి దాంట్లో ఉల్లిగడ్డ ముక్కలు, నిమ్మకాయ కలిపి సర్వ్ చేస్తారు. సాధారణంగా రోజూ తినే హైదరాబాద్ బిర్యానీకి ఇది పూర్తిగా వెరైటీగా ఉంటుంది. డిఫరెంట్ టేస్ట్ ను అందిస్తుంది. హైదరాబాద్ లోని కొండాపూర్, అత్తాపూర్, హిమాయత్ నగర్, మాదాపూర్, ఎస్ఆర్ నగర్, తిరుమలగిరి, మియాపూర్, మణికొండ, కేపీహెచ్బీలో దొన్నె బిర్యానీ ఔట్ లెట్స్ ఉన్నాయి.

దొన్నె చికెన్ బిర్యానీతో పాటు దొన్నె మటన్ బిర్యానీ, చికెన్ బిర్యానీ, మటన్ లెగ్ సూప్ లాంటి ఇతర స్పెషల్ ఐటెమ్స్ కూడా దొరుకుతాయి.

సత్తిబాబు బిర్యానీ

దొన్నె బిర్యానీతో పాటు సత్తిబాబు బిర్యానీ ప్రస్తుతం హైదరాబాద్ లో ట్రెండ్ అవుతోంది. ఈ బిర్యానీ కేవలం పార్శిల్ గానే లభిస్తుంది. మూసాపేటలోని భవాని నగర్ లో పిల్లర్ నెంబర్ 895 కి సమీపంలో ఈ బిర్యానీ లభిస్తుంది. ఆన్ లైన్ లో ఈ బిర్యానీని ఆర్డర్ చేసుకుంటే 30 నిమిషాల్లో డెలివరీ చేస్తారు. చూడటానికి చాలా సింపుల్ గా కనిపించే సత్తిబాబు బిర్యానీని ఒక్కసారి తింటే అస్సలు వదల్లేరు. స్పెషల్ చికెన్ బిర్యానీ, చికెన్ ఫ్రై ఫీస్ బిర్యానీ ఇక్కడ స్పెషల్ గా లభిస్తాయి.