మనం ఫోన్ అన్లాక్ ఎలాచేస్తాం? చేతితో లేదా ఫేస్ రికగ్నిషన్ ద్వారా.. అయితే, అమెరికాకు చెందిన ఓ యువతి తన ఉమ్మిద్వారా ఫోన్ను అన్లాక్ చేసి అందరినీ ఆశ్చర్యపరిచింది. ఫోన్ స్క్రీన్పై ఉమ్మివేస్తూ ప్యాట్రన్ లాక్ తెరిచే వీడియో నెట్టింట వైరల్గా మారింది. ఇదెక్కడి వెరైటీ ట్యాలెంట్రా బాబూ అంటూ నెటిజన్లు కామెంట్స్ చేస్తున్నారు.
ఫ్లోరిడాలోని మియామీకి చెందిన మిలా మోనెట్ ఫేమస్ టిక్టాకర్. ఆమె పబ్కు వెళ్లినప్పుడు ఫోన్ను తన ఉమ్మితో అన్లాక్ చేస్తానని ఫ్రెండ్స్తో బెట్కట్టింది. వారంతా అది కష్టసాధ్యం అని తీసిపారేశారు. కానీ, మిలా మానెట్ తన ఐఫోన్ స్క్రీన్ న్యుమరిక్ కీప్యాడ్పై ఉమ్మడం ప్రారంభించింది. కాసేపటికే ఫోన్ అన్లాక్ కావడంతో ఆశ్చర్యపోవడం ఆమె ఫ్రెండ్స్ వంతైంది. ఈ వీడియోను ఆన్లైన్లో షేర్చేయగా, చక్కర్లు కొడుతోంది. ఇప్పటివరకూ ఈ వీడియోకు 4.5 మిలియన్స్ వ్యూస్ వచ్చాయి.