దళిత బంధు ఎంతో గొప్పది
- జీవితాలు మార్చే పథకం ఇది
- పది మందికి ఉపాధినిచ్చే స్థాయికి ఎదుగుతారు
- కాంగ్రెస్ నేత సర్వే సత్యనారాయణ ప్రశంసలు
- పథకాన్ని మనస్ఫూర్తిగా స్వాగతిస్తున్నానని వెల్లడి
- రాజకీయాలు చేయొద్దని అన్ని పార్టీలకు హితవు

హైదరాబాద్, ఆగస్టు 12 (నమస్తే తెలంగాణ): దళిత బంధు పథకంపై కాంగ్రెస్ సీనియర్ నేత, కేంద్ర మాజీ మంత్రి సర్వే సత్యనారాయణ ప్రశంసలు కురిపించారు. సీఎం కేసీఆర్ తీసుకొచ్చిన దళిత బంధు ఎంతో గొప్ప పథకమని కితాబిచ్చారు. ఈ పథకాన్ని మనస్ఫూర్తిగా స్వాగతిస్తున్నట్టు వెల్లడించారు. పథకం అమలుతో దళితుల జీవితాలు పూర్తిగా మారిపోతాయనడంలో ఎలాంటి సందేహంలేదని పేర్కొన్నారు. దళిత బంధు అమలులో సీఎం కేసీఆర్ నిర్ణయాలకు పూర్తిగా మద్దతు ప్రకటిస్తున్నట్టు తెలిపారు. గురువారం హైదరాబాద్లో జరిగిన ఓ కార్యక్రమంలో సర్వే సత్యనారాయణ మాట్లాడుతూ.. దళిత బంధు విషయంలో రాజకీయాలు చేయడం మానుకోవాలని అన్ని పార్టీలకు హితవుపలికారు.
దళితుల అభ్యున్నతి కోసం సీఎం కేసీఆర్ తీసుకున్న నిర్ణయానికి రాజకీయాలకు అతీతంగా మద్దతు పలకాల్సిన అవసరం ఉన్నదని అభిప్రాయపడ్డారు. ఈ పథకాన్ని పారదర్శకంగా అమలుచేస్తూ.. ప్రతి దళిత కుటుంబానికి న్యాయంజరిగేలా చూడాలని కోరారు. ఇంటి కి రూ.10 లక్షలు ఇచ్చేది సోమరిపోతులు కావాలని కాదని, ఈ పథకం అమలు వెనుక మంచిఉద్దేశం ఉన్నదన్నారు. ఎవరి అనుభవానికి తగ్గట్టు వారు ఈ డబ్బును ఉపయోగించుకుంటే దళితుల్లో పేదరికం అంతరిస్తుందని తెలిపారు. వ్యాపారాలు ప్రారంభించి.. వారు బతకడమే కాకుండా మరో 10 మందికి ఉపాధి కల్పించేస్థాయికి ఎదుగుతారని సంతోషం వ్యక్తంచేశారు. సీఎం కేసీఆర్కు చిత్తశుద్ధి ఉంది కాబట్టే.. మాట ప్రకారం దళితుల ఉన్నతికి మేలైన పథకం అమలు చేస్తున్నారని ఆయన కొనియాడారు.
Read Today's Latest Top-slides News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

