హైదరాబాద్ : ముఖ్యమంత్రి రేవంత్ రెడ్డితో(CM Revanth Reddy) వెస్ట్రన్ ఆస్ట్రేలియా మంత్రి సాండర్సన్ (Sanderson) సమావేశమయ్యారు. తెలంగాణ వైద్య రంగంలో పెట్టుబడులు పెట్టేందుకు ఆసక్తి చూపారు. హెల్త్ కేర్, హెల్త్ టూరిజం, హెల్త్ స్కిల్లింగ్లో పెట్టుబడులకు అవకాశాలున్నాయని ఈ సందర్భంగా సీఎం రేవంత్ రెడ్డి వారికి సూచించారు. స్కిల్ క్యాపిటల్గా హైదరాబాద్ మారబోతున్నదని పేర్కొన్నారు. జిల్లా దవాఖానలను మల్టీ స్పెషాలిటీ హాస్పిటల్స్గా తీర్చిద్దేందుకు ప్రణాళికలు రూపొందిస్తున్నామని వివరించారు. ఫార్మా కంపెనీలకు(Pharma company) సహకరిస్తామని చెప్పారు.