విజయవాడలో ఘోర రోడ్డు ప్రమాదం

విజయవాడ వెస్ట్‌ బైపాస్‌ రోడ్డులో సోమవారం ఎలక్ట్రిక్‌ కారు(ఈవీ) వేగంగా ప్రయాణిస్తూ రెయిలింగ్‌ను ఢీకొట్టింది. దీంతో కారులో ఒక్కసారిగా మంటలు చెలరేగి క్షణాల్లోనే వాహనం దగ్ధమైంది.

• కారులో మంటలు చెలరేగి నలుగురు సజీవ దుర్మరణం

హైదరాబాద్‌, అక్టోబర్‌ 12 (నమస్తే తెలంగాణ) : విజయవాడ వెస్ట్‌ బైపాస్‌ రోడ్డులో సోమవారం ఎలక్ట్రిక్‌ కారు(ఈవీ) వేగంగా ప్రయాణిస్తూ రెయిలింగ్‌ను ఢీకొట్టింది. దీంతో కారులో ఒక్కసారిగా మంటలు చెలరేగి క్షణాల్లోనే వాహనం దగ్ధమైంది. ఈ ప్రమాదంలో కారులో ప్రయాణిస్తున్న నలుగురు అక్కడికక్కడే సజీవ దహనమయ్యారు.

నంబూరులో జరిగిన ఓ శుభకార్యానికి హాజరై తిరుగు ప్రయాణంలో విజయవాడ వైపు వస్తుండగా ఈ ప్రమాదం జరిగింది. సమాచారం అందుకున్న పోలీసులు హుటాహుటిన ఘటనా స్థలానికి చేరుకుని సహాయక చర్యలు చేపట్టారు. కేసు నమోదు చేసుకుని ప్రమాదానికి గల కారణాలపై దర్యాప్తు చేపట్టారు. కుటుంబసభ్యులు కన్నీరు మున్నీరుగా విలపించారు.