నదిలో గల్లంతైన విద్యార్థుల మృతదేహాలు గుర్తింపు

ఏపీలోని అనకాపల్లి జిల్లాలో తీవ్ర విషాదం చోటుచేసుకుంది. ఎస్‌ రాయవరం మండలం పెనుగొల్లు వద్ద వరాహ నదిలో స్నానానికి దిగి గల్లంతైన ముగ్గురు యువకులు మృతిచెందారు. ఆదివారం ఉదయం వారి మృతదేహాలు లభ్యమయ్యాయి. శనివారం పెనుగొల్లు సమీపంలోని వరాహ నదిలో స్నానం చేసేందుకు ఆరుగురు యువకులు దిగారు.

• విషాదంలో అనకాపల్లి

హైదరాబాద్‌, నవంబర్‌ 15 (నమస్తే తెలంగాణ): ఏపీలోని అనకాపల్లి జిల్లాలో తీవ్ర విషాదం చోటుచేసుకుంది. ఎస్‌ రాయవరం మండలం పెనుగొల్లు వద్ద వరాహ నదిలో స్నానానికి దిగి గల్లంతైన ముగ్గురు యువకులు మృతిచెందారు. ఆదివారం ఉదయం వారి మృతదేహాలు లభ్యమయ్యాయి. శనివారం పెనుగొల్లు సమీపంలోని వరాహ నదిలో స్నానం చేసేందుకు ఆరుగురు యువకులు దిగారు. నీటి ప్రవాహం ఎక్కువ ఉండటంతో వీరిలో కాతేటి రిషి(18), ముప్పిడి నాగవంశీ(22), కోడి జగదీశ్‌(20) నీటిలో కొట్టుకుపోయి గల్లంతయ్యారు. మిగతా ముగ్గురు ఒడ్డుకు చేరుకున్నారు. సమాచారం తెలుసుకున్న పోలీసులు స్థానికుల సాయంతో శనివారం సాయంత్రం నుంచి నదిలో ముమ్మరంగా గాలింపు చేపట్టగా ఆదివారం ఉదయం ముగ్గురు యువకుల మృతదేహాలు తేలియాడుతూ కనిపించాయి. దీంతో పోలీసులు, స్థానికులు కలిసి మృతదేహాలను బయటకు తీశారు.