పది ఏడీ పోస్టుల భర్తీకి నోటిఫికేషన్‌

ఉద్యోగాల భర్తీలో భాగంగా తెలంగాణ పబ్లిక్‌ సర్వీస్‌ కమిషన్‌ (టీజీపీఎస్సీ) సోమవారం టౌన్‌ప్లానింగ్‌ విభాగంలో పది అసిస్టెంట్‌ డైరెక్టర్‌ పోస్టుల భర్తీకి నోటిఫికేషన్‌ జారీచేసింది.

హైదరాబాద్‌, జూలై 6 (నమస్తే తెలంగాణ): ఉద్యోగాల భర్తీలో భాగంగా తెలంగాణ పబ్లిక్‌ సర్వీస్‌ కమిషన్‌ (టీజీపీఎస్సీ) సోమవారం టౌన్‌ప్లానింగ్‌ విభాగంలో పది అసిస్టెంట్‌ డైరెక్టర్‌ పోస్టుల భర్తీకి నోటిఫికేషన్‌ జారీచేసింది. ఇవి మల్టీజోనల్‌ పోస్టులు కాగా, 18-44 ఏండ్ల మధ్య వయసు ఉన్న వారు పోటీపడొచ్చు.

జూలై 1వ తేదీని కటాఫ్‌గా నిర్ణయించారు. వేతన స్కేల్‌ రూ. 58,850 నుంచి రూ. 1,37,050 మధ్య ఉంటుంది. బీఆర్క్‌, బీఈ, బీటెక్‌ (సివిల్‌), బీప్లానింగ్‌, ఎంఏ, ఎమ్మెస్సీ జియాలజీ, ఎమ్మెస్సీ జియో ఇన్ఫర్మేటిక్స్‌ కోర్సులు పూర్తిచేసిన వారు దరఖాస్తు చేసుకోవచ్చు. ఈనెల 10 నుంచి ఆగస్టు 17 వరకు అభ్యర్థులు దరఖాస్తులు సమర్పించుకోవచ్చు.