విద్యార్థుల జీవితాలతో సీఎం చెలగాటం

పెండింగ్‌లో ఉన్న రూ.8.500 కోట్ల ఫీజు రీయింబర్స్‌మెంట్‌ చెల్లించకుండా పేద విద్యార్థుల జీవితాలతో చెలగాటమాడుతున్న కాంగ్రెస్‌ ప్రభుత్వం, సీఎం రేవంత్‌రెడ్డి భారీ మూల్యం చెల్లించుకోక తప్పదని బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్‌ కృష్ణయ్య హెచ్చరించారు.

• రాజ్యసభ సభ్యుడు ఆర్‌ కృష్ణయ్య

రవీంద్రభారతి, నవంబర్‌ 7: పెండింగ్‌లో ఉన్న రూ.8.500 కోట్ల ఫీజు రీయింబర్స్‌మెంట్‌ చెల్లించకుండా పేద విద్యార్థుల జీవితాలతో చెలగాటమాడుతున్న కాంగ్రెస్‌ ప్రభుత్వం, సీఎం రేవంత్‌రెడ్డి భారీ మూల్యం చెల్లించుకోక తప్పదని బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్‌ కృష్ణయ్య హెచ్చరించారు.

బకాయిలు వెంటనే విడుదల చేయాలని డిమాండ్‌ చేస్తూ బషీర్‌బాగ్‌ చౌరస్తాలోని బాబూజగ్జీవన్‌రామ్‌ విగ్రహం నుంచి సెక్రటేరియట్‌కు వందలాదిమంది విద్యార్థులతో ర్యాలీ తీశారు. ర్యాలీని బషీర్‌బాగ్‌ చౌరస్తా వద్ద పోలీసులు అడ్డుకున్నారు. ఈ సందర్భంగా పోలీసులకు, విద్యార్థులకు తోపులాట జరిగింది. ర్యాలీలో విద్యార్థి సంఘం నేత నిఖిల్‌పటేల్‌, బీసీ సంఘాల నేత రామ్‌దేవ్‌మోదీ తదితరులు పాల్గొన్నారు.