గ్రీనరీ, గ్రీన్‌ ఎనర్జీలో ముందున్న తెలంగాణ: గవర్నర్‌ తమిళిసై

Governor Tamilisai | తెలంగాణ రాష్ట్రం గ్రీనరీతోపాటు గ్రీన్‌ ఎనర్జీలో కూడా ముందుందని గవర్నర్‌ తమిళిసై సౌందరరాజన్‌ అన్నారు. సోలార్‌ ఎనర్జీ ఉత్పత్తిలో రాష్ట్రం ముందుకెళ్తున్నదని చెప్పారు. హైటెక్స్‌లో తెలంగాణ స్టేట్‌ ఎనర్జీ కన్జర్వేషన్‌ అవార్డ్స్‌-2021 కార్యక్రమానికి

హైదరాబాద్‌: తెలంగాణ రాష్ట్రం గ్రీనరీతోపాటు గ్రీన్‌ ఎనర్జీలో కూడా ముందుందని గవర్నర్‌ తమిళిసై సౌందరరాజన్‌ అన్నారు. సోలార్‌ ఎనర్జీ ఉత్పత్తిలో రాష్ట్రం ముందుకెళ్తున్నదని చెప్పారు. హైటెక్స్‌లో తెలంగాణ స్టేట్‌ ఎనర్జీ కన్జర్వేషన్‌ అవార్డ్స్‌-2021 కార్యక్రమానికి గవర్నర్‌ తమిళిసై ముఖ్యఅతిథిగా పాల్గొన్నారు. ఈ సందర్భంగా మాట్లాడుతూ.. ఎనర్జీ కన్జర్వేషన్‌లో ప్రభుత్వం తీసుకుంటున్న నిర్ణయాలు అద్భుతమని చెప్పారు.

సోలార్‌ ఎనర్జీ ద్వారా ప్రభుత్వానికి డబ్బు ఆదా అవుతున్నదని చెప్పారు. యువతతోపాటు ప్రతి ఒక్కరు విద్యుత్‌ను పొదుపు చేయాలని సూచించారు. విద్యుత్‌ను మన ఇంటి నుంచే పొదుపు చేయడం ప్రారంభిద్దామని పిలుపునిచ్చారు.ఈ కార్యక్రమంలో ట్రాన్స్‌కో, జెన్‌కో సీఎండీ ప్రభాకర్‌ రావు, ఇంధనశాఖ ప్రత్యేక కార్యదర్శి, రెడ్కో చైర్మన్‌, వైస్‌ చైర్మన్‌ పాల్గొన్నారు.