KTR | ఏసీబీ విచార‌ణ.. కేటీఆర్‌తోపాటు లాయ‌ర్‌ను తీసుకెళ్లేందుకు హైకోర్టు అనుమతి
KTR | బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్ లంచ్ మోషన్ పిటిషన్‌పై హైకోర్టు విచార‌ణ చేప‌ట్టింది. మ‌ధ్యాహ్నం 2.30 గంట‌ల‌కు విచార‌ణ ప్రారంభం కాగా.. ఏసీబీ విచార‌ణ‌కు కేటీఆర్ లాయ‌ర్‌ను తీసుకెళ్లేందుకు హైకోర్టు అనుమతి ఇచ్చింది.
KTR | హైద‌రాబాద్ : బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్ లంచ్ మోషన్ పిటిషన్‌పై హైకోర్టు విచార‌ణ చేప‌ట్టింది. మ‌ధ్యాహ్నం 2.30 గంట‌ల‌కు విచార‌ణ ప్రారంభం కాగా.. ఏసీబీ విచార‌ణ‌కు కేటీఆర్ లాయ‌ర్‌ను తీసుకెళ్లేందుకు హైకోర్టు అనుమతి ఇచ్చింది. కేటీఆర్ వెంట వెళ్లేందుకు ముగ్గురు న్యాయ‌వాదుల పేర్ల‌ను సూచించాల‌ని కోర్టు అడిగింది. ముగ్గురిలో ఒక‌రిని కేటీఆర్ వెంట వెళ్లేందుకు అనుమ‌తిస్తామ‌ని న్యాయ‌మూర్తి పేర్కొన్నారు. త‌దుప‌రి విచార‌ణ‌ను సాయంత్రం 4 గంట‌ల‌కు వాయిదా వేశారు.
కేటీఆర్ లంచ్ మోషన్ పిటిష‌న్ విచార‌ణ సంద‌ర్భంగా.. కేటీఆర్‌తో న్యాయవాదిని అనుమ‌తించాల‌ని అడ్వ‌కేట్ ప్ర‌భాక‌ర్ రావు వాదించారు. గ‌తంలోనూ లాయ‌ర్ అనుమ‌తికి సుప్రీంకోర్టు అనుమతి ఇచ్చిందని కేటీఆర్ న్యాయ‌వాది ప్ర‌భాక‌ర్ రావు గుర్తు చేశారు. అవినాష్ రెడ్డి విచార‌ణ సంద‌ర్భంగా ఇదే హైకోర్టు న్యాయ‌వాదికి అనుమతి ఇచ్చింద‌న్న విష‌యాన్ని ఆయ‌న గుర్తు చేశారు.
ఏసీబీ త‌ర‌పున అద‌న‌పు అడ్వ‌కేట్ జ‌న‌ర‌ల్ ర‌జ‌నీకాంత్ రెడ్డి వాద‌న‌లు వినిపించారు. కేటీఆర్ వెంట న్యాయవాదిని అనుమ‌తించొద్దంటూ అద‌న‌పు అడ్వ‌కేట్ జ‌న‌ర‌ల్ వాదించారు. న్యాయవాదిని అనుమ‌తిస్తే స‌మ‌స్య ఏంట‌ని ఏఏజీని న్యాయ‌మూర్తి ప్ర‌శ్నించారు.
ఇవి కూడా చ‌ద‌వండి..
KTR | రాష్ట్రంలో త్రీడీ పాల‌న న‌డుస్తోంది.. రేవంత్ స‌ర్కార్‌పై నిప్పులు చెరిగిన కేటీఆర్
KTR | అదో లొట్ట‌పీస్ కేసు.. వాడొక లొట్ట‌పీస్ ముఖ్య‌మంత్రి.. కేటీఆర్ సంచ‌ల‌న వ్యాఖ్య‌లు
Read Today's Latest Telangana News in Telugu and Telugu News
- Follow Us :
-
