టెక్స్‌టైల్‌ రంగానికి పెద్దపీట

రాష్ట్రంలో వ్యవసాయ రంగం తర్వాత ఎక్కువ మందికి ఉపాధినిస్తున్న రంగం టెక్స్‌టైల్‌ . ఈ నేపథ్యంలో తెలంగాణ ప్రభుత్వం మొదటి నుంచీ ఈ రంగానికి అధిక ప్రాధాన్యం ఇస్తున్నది. ప్రస్తుతం రాష్ట్రంలో 17,573 హ్యాండ్యూమ్స్‌ నడుస్తుండగా 41వేల మంది ఉపాధి పొందుతున్నారు. రాష్ట్రంలో 38,262 పవర్‌ హ్యాండ్లూమ్స్‌ ఉన్నాయి. నేతన్నలను ఆదుకునేందుకు ప్రతిష్ఠాత్మకంగా రాష్ట్ర ప్రభుత్వం నేతన్నకు చేయూత పేరుతో పొదుపు పథకాన్ని ప్రారంభించింది. ఇప్పటివరకు ఈ పథకం ద్వారా 20,537 మందికి రూ.96.43 కోట్లను పంపిణీ చేసింది. చేనేత మిత్ర స్కీమ్‌ కింద నూలు కొనుగోలుపై రాష్ట్ర ప్రభుత్వం 40 శాతం సబ్సిడీ ఇస్తున్నది. ఇప్పటివరకు 77 వేల కొనుగోళ్లపై రూ.11.57 కోట్ల మేర ప్రయోజనం కలిగించింది.

• చేనేత, జౌళిశాఖ 17 యూనిట్లలో మొత్తం ఐదు లక్షల క్లాత్‌ మాస్కులను తయారు చేయించి, సరఫరా చేయించింది. ఇవి ఎంతో మందికి ఉపాధితోపాటు లాక్‌డౌన్‌ సమయంలో 300 మంది వలస కార్మికులు ఉండేలా అండగా నిలిచింది.
• 2020-21లో 1.12 కోట్ల మందికి బతుకమ్మ చీరలను అందించింది. ఇందుకోసం రూ.317 కోట్లు వెచ్చించింది.
• అమెరికాకు చెందిన వెల్‌స్పన్స్‌ సంస్థ ఇప్పటికే రంగారెడ్డి జిల్లాలో రూ.1150 కోట్లతో టెక్స్‌టైల్‌ ప్రాజెక్టును ప్రారంభించింది.
• గణేశ్‌ ఎకోస్పేర్‌.. వరంగల్‌లోని కాకతీయ మెగా టెక్స్‌టైల్‌ పార్క్‌లో రెండు ప్రాజెక్టులను చేపట్టింది. రూ.300 కోట్లతో 30 ఎకరాల్లో, రూ.200 కోట్లతో 20 ఎకరాల్లో చేపట్టిన గణేశ్‌ ఎకోటెక్‌ కలిపి వెయ్యి మందికి ఉపాధి కల్పించనున్నాయి.
• సిరిసిల్లలోని అపెరల్‌ పార్క్‌లో పరిశ్రమ ఏర్పాటు చేసేందుకు గోకుల్‌దాస్‌ ఇమేజెస్‌ పైవేట్‌ లిమిటెడ్‌ ముందుకొచ్చింది. ఇక్కడ 1100 మందికి ఉపాధి లభించనున్నది.