‘రిమ్స్‌’ బాధితులకు రూ. 5 లక్షలు

ఆదిలాబాద్‌ రిమ్స్‌ ఘటనలో మృతిచెందిన పిల్లల కుటుంబాలకు రూ.5 లక్షల చొప్పున ఎక్స్‌గ్రేషియా అందించాలని రాష్ట్ర ప్రభుత్వం నిర్ణయించింది. ఈ ఎక్స్‌గ్రేషియాను బాధిత కుటుంబాలకు అందించనున్నట్టు ఆరోగ్యశాఖ మంత్రి దామోదర రాజనర్సింహ బుధవారం వెల్లడించారు.

• మృతి చెందిన పిల్లల కుటుంబాలకు ఎక్స్‌గ్రేషియా ప్రకటించిన ప్రభుత్వం

హైదరాబాద్‌, సెప్టెంబర్‌ 23 (నమస్తే తెలంగాణ) : ఆదిలాబాద్‌ రిమ్స్‌ ఘటనలో మృతిచెందిన పిల్లల కుటుంబాలకు రూ.5 లక్షల చొప్పున ఎక్స్‌గ్రేషియా అందించాలని రాష్ట్ర ప్రభుత్వం నిర్ణయించింది. ఈ ఎక్స్‌గ్రేషియాను బాధిత కుటుంబాలకు అందించనున్నట్టు ఆరోగ్యశాఖ మంత్రి దామోదర రాజనర్సింహ బుధవారం వెల్లడించారు.

ఆదిలాబాద్‌లోని వివిధ దవాఖానల్లో చికిత్స పొందుతున్న పిల్లల ఆరోగ్య పరిస్థితి గురించి మంత్రి అధికారులను అడిగి తెలుసుకున్నారు. అవసరమైతే హైదరాబాద్‌లోని పెద్ద దవాఖానలకు తరలించి మెరుగైన చికిత్స అందించాలని ఆదేశించారు. రిమ్స్‌లో 150 బెడ్ల మాతాశిశు ఆరోగ్య కేంద్ర నిర్మాణానికి యుద్ధప్రాతిపదికన పనులు మొదలుపెట్టనున్నట్టు వెల్లడించారు. అత్యాధునిక వసతులతో వీలైనంత త్వరగా అందుబాటులోకి తీసుకొస్తామని మంత్రి దామోదర స్పష్టంచేశారు.