సమరాక్షరి

శ్రీయును మోక్షము శాంతి రాట్ననే వాయుతి భారతమాత కబ్బునని తా ననుభవించి లోకమున జాటు తండ్రి గాంధికిదె జోహార్‌

శ్రీయును మోక్షము శాంతి రాట్ననే
వాయుతి భారతమాత కబ్బునని
తా ననుభవించి లోకమున జాటు
తండ్రి గాంధికిదె జోహార్‌

రాట్నలక్ష్మి మన రాజ్యలక్ష్మి యని
రామభక్తి భవతరణశక్తి యని
స్వీయానుభవానంతరము జెప్పు
శ్రీ మహితామూర్తి గాంధికి జోహార్‌

భారత ప్రపంచము సర్వస్వమ్ము
పాశ్చాత్య నాగరికతా వార్నిధి
బడి మునుగుచుండ తెప్పయై తేల్చు
పరమ కృపానిధి గాంధికి జోహార్‌

అంతరించవలె నస్పృశ్యత యే
నన్మజ్జీవిత మేని తదర్థం
బని చాటి చెప్పు ధీరమూర్తి యగు
నా మహాత్మునకు జోహార్‌

స్వీయ సౌఖ్య సర్వస్వత్యాగము
జేసి మాతృ దేశోద్ధరణార్థము
కార్యరంగమున కొదమ సింగముల
కరణి దుముకు త్యాగుల కిదె జోహార్‌

– శ్రీ పుతుంబాక ,దుర్గాప్రసాదరావు
(గోల్కొండ కవుల సంచిక నుంచి)