విమాన చార్జీలపై సుప్రీంకోర్టు వ్యాఖ్యలు సబబు కాదు

విమాన టికెట్ల ధరలు విపరీతంగా పెరిగిపోతున్న నేపథ్యంలో ‘విమానాల్లో ప్రయాణించకండి’ అంటూ సుప్రీంకోర్టు చేసిన వ్యాఖ్యలు సమస్యకు పరిష్కారం కాదని సీపీఐ జాతీయ నేత డాక్టర్‌ కే నారాయణ పేర్కొన్నారు.

• సీపీఐ నేత డాక్టర్‌ కే నారాయణ

హైదరాబాద్‌, నవంబర్‌ 3 (నమస్తే తెలంగాణ): విమాన టికెట్ల ధరలు విపరీతంగా పెరిగిపోతున్న నేపథ్యంలో ‘విమానాల్లో ప్రయాణించకండి’ అంటూ సుప్రీంకోర్టు చేసిన వ్యాఖ్యలు సమస్యకు పరిష్కారం కాదని సీపీఐ జాతీయ నేత డాక్టర్‌ కే నారాయణ పేర్కొన్నారు. ఈ మేరకు మంగళవారం ఒక ప్రకటన విడుదల చేశారు.

పండుగలు, అత్యవసర పరిస్థితులు, ప్రయాణికుల అవసరాలను దోచుకోవడానికి కోర్టులు అనుమతించరాదని అన్నారు. కేంద్రంలోని మోదీ ప్రభుత్వం వెంటనే విమాన చార్జీలను నియంత్రించాలని డిమాండ్‌ చేశారు. ధరల నిర్ణయంలో పారదర్శకతను తీసుకురావాలని, సామాన్య ప్రయాణికులకు రక్షణ కల్పించాలని అన్నారు.