ఇసుక అక్రమ రవాణాను అడ్డుకున్న చిట్టెం.. నారాయణపేట కలెక్టర్‌కు ఫిర్యాదు

నారాయణపేట జిల్లా మక్తల్‌ నియోజకవర్గంలోని మాగనూరు మండలం వడ్వాటు, అడవి సత్యారం శివారు వాగుల్లో నుంచి ఇసుకను అక్రమంగా తరలిస్తున్నారు. వీరికి అధికార పార్టీ నాయకుల అండదండలు ఉన్నట్టు స్థానికులు ఆరోపిస్తున్నారు.

మక్తల్‌, ఆగస్టు 16 : నారాయణపేట జిల్లా మక్తల్‌ నియోజకవర్గంలోని మాగనూరు మండలం వడ్వాటు, అడవి సత్యారం శివారు వాగుల్లో నుంచి ఇసుకను అక్రమంగా తరలిస్తున్నారు. వీరికి అధికార పార్టీ నాయకుల అండదండలు ఉన్నట్టు స్థానికులు ఆరోపిస్తున్నారు. ఈ విషయమై రెవెన్యూ, పోలీసు అధికారులకు ఫిర్యాదు చేసినా చర్యలు తీసుకోకపోవడంతో స్థానికులు మాజీ ఎమ్మెల్యే చిట్టెం రామ్మోహన్‌రెడ్డికి దృష్టికి తీసుకెళ్లారు.

దీంతో ఆదివారం ఆయన బీఆర్‌ఎస్‌ నాయకులతో కలిసి మాగనూర్‌ మండలం నుంచి నారాయణపేట వైపు వెళ్తున్న ఇసుక టిప్పర్లను అడ్డుకున్నారు. ఈ సందర్భంగా ఇసుక రవాణాకు సంబంధించిన అనుమతి పత్రాలు, పర్మిట్‌ తదితర వివరాలను అడిగి తెలుసుకున్నారు. ఇసుక రవాణాపై కలెక్టర్‌కు ఫిర్యాదు చేశారు. కలెక్టర్‌ ఆదేశాలతో ఎస్సై అక్కడికి వచ్చి వాహనాలను పరిశీలించి అనుమతున్న వాహనాలను వదిలిపెట్టారు.