Visit:
హైదరాబాద్‌, అక్టోబర్‌ 28 (నమస్తే తెలంగాణ): సామాజిక, ఆర్థిక, రాజకీయ, నైతిక, వైజ్ఞానిక, మానవీయ విలువలు అందించే విద్యా వ్యవస్థను పాలకులు భ్రష్టుపట్టిస్తున్నారని ఏఐఎస్‌ఎఫ్‌ మాజీ జాతీయ అధ్యక్షుడు తక్కళ్లపల్లి శ్రీనివాసరావు, జాతీయ ఉపాధ్యక్షుడు స్టాలిన్‌ విమర్శించారు. సరారు పెండింగ్‌ ఫీజులు చెల్లించకపోవడం విద్యార్థులకు శాపంగా మారిందని మండిపడ్డారు. మంగళవారం ఏఐఎస్‌ఎఫ్‌ రాష్ట్ర కార్యాలయంలో ఆ సంఘం రాష్ట్ర సమితి సమావేశాన్ని రాష్ట్ర అధ్యక్షుడు కసిరెడ్డి మణికంఠరెడ్డి అధ్యక్షతన నిర్వహించారు.
ఈ సందర్భంగా వారు మాట్లాడుతూ.. పాలకులు విద్యారంగంలో నెలకొన్న సమస్యలు పరిషరించకుండా భ్రష్టు పట్టుస్తున్నారని ధ్వజమెత్తారు. ప్రభుత్వ విద్యను పూర్తిగా నిర్వీర్యం చేసి పేద, మధ్యతరగతి వర్గాలకు దూరం చేసే కుట్ర పన్నుతున్నారని ఆరోపించారు. కేంద్ర ప్రభుత్వం నూతన జాతీయ విద్యావిధానం-2020 పేరుతో విద్య కాషాయీకరణ చేయాలని చూస్తున్నదని ఆందోళన వ్యక్తంచేశారు. కేంద్రం జాతీయ నూతన విద్యా విధానాన్ని ఉపసహరించుకోవాలని డిమాండ్‌ చేశారు. కాంగ్రెస్‌ సర్కారు పెండింగ్‌లోని సాలర్‌షిప్స్‌, ఫీజు రీయింబర్స్‌మెంట్‌ను వెంటనే విడుదల చేయాలని కోరారు. లేకుంటే ప్రభుత్వ తీరుపై ఏఐఎస్‌ఎఫ్‌ ఆధ్వర్యంలో పోరాటాలు చేస్తామని హెచ్చరించారు.
