ఐసెట్‌ ఆన్సర్‌ కీ, రెస్పాన్స్‌ షీట్ల విడుదల

తెలంగాణలో ఎంబీఏ, ఎంసీఏ కోర్సుల్లో ప్రవేశాలకు సంబంధించి ఈనెల 5, 6న జరిగిన ఐసెట్‌-2024 పరీక్షకు సంబంధించిన ప్రాథమిక ఆన్సర్‌ కీని కాకతీయ యూనివర్సిటీ శనివారం విడుదల చేసింది.

హైదరాబాద్‌, జూన్‌ 8 (నమస్తే తెలంగాణ): తెలంగాణలో ఎంబీఏ, ఎంసీఏ కోర్సుల్లో ప్రవేశాలకు సంబంధించి ఈనెల 5, 6న జరిగిన ఐసెట్‌-2024 పరీక్షకు సంబంధించిన ప్రాథమిక ఆన్సర్‌ కీని కాకతీయ యూనివర్సిటీ శనివారం విడుదల చేసింది. ఆన్సర్‌ కీతో పాటు పరీక్ష ప్రశ్నాపత్రాలు, అభ్యర్థుల రెస్పాన్స్‌ షీట్లను కూడా అధికారిక వెబ్‌సైట్‌లో అందుబాటులో ఉంచారు. ప్రాథమిక కీపై ఆదివారం సాయంత్రం 5గంటల వరకు అభ్యంతరాలను స్వీకరించనున్నారు. ఆ తర్వాత ఫైనల్‌ కీతోపాటు ఫలితాలను వెల్లడించనున్నారు.