పెండ్లిళ్లకు 40 మంది, అంత్య‌క్రియ‌ల‌కు 20 మందికి మాత్ర‌మే అనుమ‌తి

లాక్‌డౌన్‌ | పెండ్లిళ్లకు గరిష్టంగా 40 మందికి మాత్రమే అనుమతి ఇస్తూ ప్ర‌భుత్వం నిర్ణ‌యం తీసుకున్న‌ది. అంత్యక్రియల సందర్భంలో గరిష్టంగా 20 మందికి మాత్రమే

హైద‌రాబాద్ : క‌రోనా ఉధృతి దృష్ట్యా తెలంగాణ ప్ర‌భుత్వం రేప‌ట్నుంచి ప‌ది రోజుల పాటు లాక్‌డౌన్‌ను విధించిన విష‌యం విదిత‌మే. ఈ నేప‌థ్యంలో అన్ని ముందస్తు అనుమతులతో జరిపే పెండ్లిళ్లకు గరిష్టంగా 40 మందికి మాత్రమే అనుమతి ఇస్తూ ప్ర‌భుత్వం నిర్ణ‌యం తీసుకున్న‌ది. అంత్యక్రియల సందర్భంలో గరిష్టంగా 20 మందికి మాత్రమే అనుమతి ఇచ్చింది.

అందుబాటులో ప్ర‌జా ర‌వాణా

తెలంగాణ చుట్టూ.. రాష్ట్రాల సరిహద్దుల్లో చెక్ పోస్టుల ఏర్పాటుకు నిర్ణయం తీసుకున్న‌ది. ఉదయం 6 గంటల నుంచి 10 గంటల వరకు అన్నిరకాల మెట్రో, ఆర్టీసీ ప్రజా రవాణా అందుబాటులో ఉంటుంది అని స్ప‌ష్టం చేసింది. ఉదయం 6 గంటల నుంచి 10 గంటల వరకు రేషన్ షాపులు తెరిచే ఉంటాయి. కుకింగ్ గ్యాస్ ఫిల్లింగ్ స్టేషన్ సరఫరా యధావిధిగా కొనసాగుతుంది. సినిమాహాళ్లు, క్లబ్బులు, జిమ్ లు, స్విమ్మింగ్ పూల్స్, అమ్యూజ్ మెంట్ పార్కులు, స్పోర్ట్స్ స్టేడియంలు మూసి వేయాలని క్యాబినెట్ నిర్ణయించింది. పైన తెలిపిన మినహాయింపులను పూర్తిస్థాయిలో కోవిడ్ నిబంధనలను అనుసరించి కఠినంగా పాటించేలా చర్యలు తీసుకోవాలని డీజీపీని క్యాబినెట్ ఆదేశించింది.

ఇవి కూడా చ‌ద‌వండి..

Lockdown : రేప‌ట్నుంచి తెలంగాణ‌లో లాక్‌డౌన్‌

తెలంగాణ‌లో య‌థావిధిగా ధాన్యం కొనుగోళ్లు

తెలంగాణలో కొత్తగా 4,801 కరోనా కేసులు.. 32 మంది మృతి

తెలంగాణలో లాక్‌డౌన్‌ మార్గదర్శకాలు ఇవే..వీటికే అనుమతి