సారూ.. మీరున్నప్పుడే బాగుండె.. పెద్ద సారు సల్లగుండాలె

‘సారూ.. మీరున్నప్పుడే బాగుండె..పెద్ద సారెట్లున్నరు? మీరు సల్లగుండాలె బిడ్డా’ అంటూ గొల్లపల్లిలో వృద్ధురాలు క్యారం సత్తవ్వ కేటీఆర్‌తో ఆప్యాయంగా ముచ్చటించింది.

• గొల్లపల్లిలో కేటీఆర్‌తో వృద్ధురాలు సత్తవ్వ

ఎల్లారెడ్డిపేట, మార్చి 27: ‘సారూ.. మీరున్నప్పుడే బాగుండె..పెద్ద సారెట్లున్నరు? మీరు సల్లగుండాలె బిడ్డా’ అంటూ గొల్లపల్లిలో వృద్ధురాలు క్యారం సత్తవ్వ కేటీఆర్‌తో ఆప్యాయంగా ముచ్చటించింది. రాజన్న సిరిసిల్ల జిల్లా ఎల్లారెడ్డిపేట మండలం గొల్లపల్లిలోని శ్రీ ఆంజనేయస్వామి ఆలయ ఆవరణలో శుక్రవారం నిర్వహించిన సీతారాముల కల్యాణ వేడుకలకు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ వచ్చారని తెలిసి గొల్లపల్లికి చెందిన క్యారం సత్తవ్వ వెళ్లింది.

ప్రధాన ద్వారం నుంచి వెళ్తున్న కేటీఆర్‌ను ఎదురుగా కలిసి చేతిలో చేయి కలిపి ‘పెద్దసారు (కేసీఆర్‌) మంచిగున్నడా..’ అంటూ ఆరా తీసింది. ‘మీరున్నప్పుడే బాగుండె సారూ, మీరు సల్లగుండాలె’ అంటూ ఆప్యాయంగా కేటీఆర్‌ను ఆలింగనం చేసుకుని, ముచ్చటించి సంబురపడ్డది.