హైదరాబాద్, జనవరి 7 (నమస్తే తెలంగాణ): ‘ద లీడర్ ఈజ్ బ్యాక్.. అండ్ రెడీ టూ మేక్ వేవ్స్’ అంటూ రాజ్యసభ సభ్యుడు సంతోష్కుమార్ ఆదివారం ఎక్స్ ఖాతాలో పోస్ట్ చేశారు. మాజీ ముఖ్యమంత్రి కేసీఆర్ పూర్తిస్థాయిలో కోలుకుంటున్నారని, ఆయన మళ్లీ తన కార్యక్షేత్రంలోకి రాబోతున్నారంటూ సంతోష్ చేసిన పోస్ట్ పార్టీలో వైరల్గా మారింది. కేసీఆర్ చాలా రోజుల తర్వాత తానంతట తాను కుర్చీలో కూర్చున్న తాజా ఫొటోను జత చేశారు. నాయకుడు కోలుకుంటున్నారని, ప్రజాక్షేత్రంలోకి రాబోతున్నారన్న సందేశం ఇచ్చేలా ఈ పోస్ట్ ఉన్నది.