Nagarjuna Sagar | 10 గంటలకు నాగార్జునసాగర్‌ గేట్లు ఓపెన్‌..

ఎగువ నుంచి వస్తున్న వరదతో నాగార్జున సాగర్‌ (Nagarjuna Sagar) ప్రాజెక్టు పూర్తిగా నిండింది. దీంతో జలాశయం గేట్లు ఎత్తేందుకు అధికారులు సిద్ధమయ్యారు. మంగళవారం ఉదయం 10 గంటలకు మంత్రులు మంత్రులు ఉత్తమ్‌ కుమార్‌ రెడ్డి, కోమటిరెడ్డి వెంకట్‌రెడ్డి, అడ్లూరి లక్ష్మణ్ రేడియల్‌ క్రస్టుగేట్లను ఎత్తనున్నారు. 

నల్లగొండ: ఎగువ నుంచి వస్తున్న వరదతో నాగార్జున సాగర్‌ (Nagarjuna Sagar) ప్రాజెక్టు పూర్తిగా నిండింది. దీంతో జలాశయం గేట్లు ఎత్తేందుకు అధికారులు సిద్ధమయ్యారు. మంగళవారం ఉదయం 10 గంటలకు మంత్రులు మంత్రులు ఉత్తమ్‌ కుమార్‌ రెడ్డి, కోమటిరెడ్డి వెంకట్‌రెడ్డి, అడ్లూరి లక్ష్మణ్ రేడియల్‌ క్రస్టుగేట్లను ఎత్తనున్నారు.

ప్రస్తుతం సాగర్‌కు 2,01,743 క్యూసెక్కుల వరద వస్తున్నది. 41,497 క్యూసెక్కుల నీరు బయటకు వెళ్తున్నది. ప్రాజెక్టు పూర్తి స్థాయి నీటి మట్టం 590 అడుగులు కాగా, ఇప్పుడు 586.80 అడుగుల వద్ద నీటిమట్టం ఉన్నది. సాగర్‌ గరిష్ఠ నీటి నిల్వ సామర్థ్యం 312.0450 టీఎంసీలకుగాను ప్రస్తుతం 304.4680 టీఎంసీలు నిల్వ ఉన్నాయి. ప్రదాన జలవిద్యుత్ కేంద్రంలో విద్యుత్‌ ఉత్పత్తి కొనసాగుతున్నది. కాగా, జూలై నెలలోనే సాగర్‌ నిండటం 18 ఏండ్ల తర్వాత ఇదే మొదటిసారి. మరోవైపు శ్రీశైలం ప్రాజెక్టుకు భారీగా వరద వస్తుండటంతో 5 గేట్లు ఎత్తివేసి దిగువకు నీటిని విడుదల చేస్తున్నారు.