ప్ర‌కాశ్ రాజ్ ద‌త్త‌త గ్రామం అభివృద్ధిపై కేటీఆర్ స్పంద‌న‌

Minister KTR | టీఆర్ఎస్ పార్టీ వ‌ర్కింగ్ ప్రెసిడెంట్ కేటీఆర్ సినీ న‌టుడు ప్ర‌కాశ్ రాజ్‌పై ప్ర‌శంస‌ల వ‌ర్షం కురిపించారు. ప్ర‌కాశ్ రాజ్ ద‌త్త‌త తీసుకున్న గ్రామం ఎంతో అభివృద్ధి చెందింద‌ని కేటీఆర్ త‌న ట్వీట్‌లో పేర్కొన్నారు. స్థానిక ఎమ్మెల్యే అంజ‌య్య‌తో క‌లిసి గొప్ప

హైద‌రాబాద్ : టీఆర్ఎస్ పార్టీ వ‌ర్కింగ్ ప్రెసిడెంట్ కేటీఆర్ సినీ న‌టుడు ప్ర‌కాశ్ రాజ్‌పై ప్ర‌శంస‌ల వ‌ర్షం కురిపించారు. ప్ర‌కాశ్ రాజ్ ద‌త్త‌త తీసుకున్న గ్రామం ఎంతో అభివృద్ధి చెందింద‌ని కేటీఆర్ త‌న ట్వీట్‌లో పేర్కొన్నారు. స్థానిక ఎమ్మెల్యే అంజ‌య్య‌తో క‌లిసి గొప్ప పురోగ‌తిని సాధించార‌ని కేటీఆర్ కొనియాడారు. ప్ర‌కాశ్ రాజ్ ద‌త్త‌త తీసుకున్న గ్రామంలో జ‌రిగిన అభివృద్ధికి సంబంధించిన ఫోటోల‌ను మ‌ధుసూద‌న్ రావు అనే వ్య‌క్తి కేటీఆర్‌కు ట్యాగ్ చేయ‌గా, ఆయ‌న స్పందించారు.

తెలంగాణ రాష్ట్ర ప్ర‌భుత్వం ప్ర‌తిష్టాత్మ‌కంగా చేప‌ట్టిన గ్రామ‌జ్యోతి కార్య‌క్రమం స్ఫూర్తితో 2015, సెప్టెంబ‌ర్‌లో షాద్‌న‌గ‌ర్ నియోజక‌వ‌ర్గం ప‌రిధిలోని కేశంపేట మండ‌లంలోని కొండారెడ్డిప‌ల్లి గ్రామాన్ని ప్ర‌కాశ్ రాజ్ ద‌త్త‌త తీసుకున్నారు. ఆ త‌ర్వాత గ్రామాభివృద్ధికి ఆయ‌న ప్ర‌త్యేక చొర‌వ తీసుకున్నారు. సిమెంట్ రోడ్డుకు ఇరువైపులా ఫుట్‌పాత్, దిమ్మెలను ఏర్పాటు చేశారు. చెట్లను పెంచి గ్రామంలోని వీధులన్నింటిని ఆకుప‌చ్చ‌గా తయారు చేశారు. గ్రామంలో ఉచిత వైద్య శిబిరాలు ఏర్పాటు చేశారు ప్ర‌కాశ్ రాజ్.

This is the village adopted by @prakashraaj

Great progress made in tandem with local MLA @AnjaiahYTRS Garu 👏 https://t.co/yGfYdloaFT

— KTR (@KTRTRS) September 20, 2022