‘ఎం2 స్మార్ట్‌’తో కర్బన ఉద్గారాలకు చెక్‌

ప్రపంచంలోని వివిధ నగరాల్లో ట్రాఫిక్‌ పరిస్థితిపై అధ్యయనం, విశ్లేషణతోపాటు కర్బన ఉద్గారాలను తగ్గించేందుకు ‘ఎం2 స్మార్ట్‌' ప్రాజెక్టు ఎంతో దోహదపడుతుందని జపాన్‌ అంతర్జాతీయ సహకార సంస్థ (జైకా) ప్రధాన ప్రతినిధి సైటో మిత్స్‌నూరి పేర్కొన్నారు.

హైదరాబాద్‌, ఆగస్టు 17 (నమస్తే తెలంగాణ): ప్రపంచంలోని వివిధ నగరాల్లో ట్రాఫిక్‌ పరిస్థితిపై అధ్యయనం, విశ్లేషణతోపాటు కర్బన ఉద్గారాలను తగ్గించేందుకు ‘ఎం2 స్మార్ట్‌’ ప్రాజెక్టు ఎంతో దోహదపడుతుందని జపాన్‌ అంతర్జాతీయ సహకార సంస్థ (జైకా) ప్రధాన ప్రతినిధి సైటో మిత్స్‌నూరి పేర్కొన్నారు.

ఈ ప్రాజెక్టుపై చర్చించేందుకు జపాన్‌ కో-ఆర్డినేషన్‌ కమిటీ, ఐఐటీ హైదరాబాద్‌, జపాన్‌ సైన్స్‌ అండ్‌ టెక్నాలజీ ఏజెన్సీ, జైకా ప్రతినిధులు బుధవారం హైదరాబాద్‌లో సంయుక్త సమన్వయ కమిటీ సమావేశాన్ని నిర్వహించారు. ఐఐటీ-రూరీ, ఐఐటీ-బాం బే నిపుణులను ఈ చర్చకు ఆహ్వానించారు.