Leopard | శంషాబాద్ శివారులో చిరుత సంచారం..! ఎంత వ‌ర‌కు నిజం..?

Leopard | రంగారెడ్డి జిల్లా ప‌రిధిలోని శంషాబాద్ శివారులో చిరుత సంచరిస్తుందంటూ వార్త‌లు వ‌చ్చాయి దీంతో స్థానికులు తీవ్ర భయాందోళనకు గుర‌వుతున్నారు. సీసీ కెమెరాల్లో రికార్డ్ అయిన దృశ్యాలను ప‌రిశీలించి అది చిరుత కాదని, అడవి పిల్లి అని అట‌వీశాఖ అధికారులు తేల్చారు.

Leopard | రంగారెడ్డి : రంగారెడ్డి జిల్లా ప‌రిధిలోని శంషాబాద్ శివారులో చిరుత సంచరిస్తుందంటూ వార్త‌లు వ‌చ్చాయి దీంతో స్థానికులు తీవ్ర భయాందోళనకు గుర‌వుతున్నారు. నర్కుడ గ్రామ శివారులోని సీతారామ చంద్ర స్వామి ఆలయం సమీపంలో చిరుత పులి సంచరిస్తుందంటూ గ్రామస్తులు పోలీసులకు, అట‌వీశాఖ అధికారుల‌కు సమాచారం అందించారు.

సీసీ కెమెరాల్లో రికార్డ్ అయిన దృశ్యాలను అట‌వీశాఖ అధికారులు, పోలీసులు క‌లిసి పరిశీలించారు. అది చిరుత కాదని, అడవి పిల్లి అని అట‌వీశాఖ అధికారులు తేల్చారు. స్థానికులు ఎవరు కూడా భయభ్రాంతులకు గురి కావద్దని, ఏదైనా క్రూర జంతువులు కనిపిస్తే తమకు సమాచారం ఇవ్వాలని సూచించారు.