Visit:
హైదరాబాద్‌, మార్చి 6 (నమస్తే తెలంగాణ): సీఎం రేవంత్‌రెడ్డిపై బీఆర్‌ఎస్‌ వరింగ్‌ ప్రెసిడెంట్‌ కేటీఆర్‌ ట్విట్టర్‌ వేదికగా తీవ్ర స్థాయిలో ధ్వజమెత్తారు. రేవంత్‌రెడ్డికి తెలంగాణ ఆత్మ లేదు.. తెలంగాణపై గౌరవం అంత కన్నా లేదు అని నిప్పులు చెరిగారు. తెలంగాణ సోయి లేనోడు సీఎం కావడం మన ఖర్మ అని మండిపడ్డారు. తెలంగాణ ఆత్మగౌరవం విలువ తెలవనోడు సీఎంగా ఉండటం మన దౌర్భాగ్యం అని విమర్శించారు. నా తెలంగాణ దేనినైనా సహిస్తుంది కానీ.. ఆత్మగౌరవాన్ని దెబ్బతీస్తే ఊరుకోదు అని తేల్చిచెప్పారు. నిన్నమొన్నటి దాకా గుజరాత్‌ మాడల్‌పై నిప్పులు చెరిగిన రేవంత్‌.. ఇవాళ ప్రధాని పకన సీటు ఇవ్వగానే.. ఆయన గురించి గొప్పలు మాట్లాడుతున్నారని, ఇదేం నీతి.. ఇదేం రీతి.. రేవంత్‌ అంటూ ట్వీట్‌లో దుయ్యబట్టారు. కేటీఆర్‌ చేసిన ట్వీట్‌ ఇదే..
‘రేవంత్‌కు తెలంగాణ ‘ఆత్మ’ లేదు.
తెలంగాణపై ‘గౌరవం’ అంతకన్నా లేదు.
అందుకే తెలంగాణ ‘ఆత్మగౌరవం’పై
మోదీ సాక్షిగా రేవంత్‌ దాడి
అసలు తెలంగాణ సోయి లేనోడు..
సీఎం కావడం మన ఖర్మ!
తెలంగాణ ఆత్మగౌరవం విలువ తెల్వనోడు..
ముఖ్యమంత్రిగా ఉండటం మన దౌర్భాగ్యం!
అసలు ‘గోల్‌మాల్‌ గుజరాత్‌ మాడల్‌’కు..
‘Golden తెలంగాణ మాడల్‌’తో పోలికెకడిది?
ఘనమైన ‘గంగాజమున తెహజీబ్‌ మాడల్‌’ కన్నా..
మతం పేరిట చిచ్చు పెట్టే ‘గోద్రా అల్లర్ల మాడల్‌’ నీకు నచ్చిందా?
నిన్నటిదాకా..
గుజరాత్‌ మాడల్‌పై.. నిప్పులు!
ప్రధాని పకన సీటు ఇవ్వగానే.. గొప్పలా?
ఇదేం నీతి..? ఇదేం రీతి..?
తెలంగాణ మాడల్‌ అంటే..
సమున్నత సంక్షేమ నమూనా
సమగ్ర అభివృద్ధికి చిరునామా
అనేక రాష్ట్రాలు మెచ్చిన మాడల్‌..
యావత్తు దేశానికే నచ్చిన మాడల్‌..
బుడిబుడి అడుగుల వయసులో
బుల్లెటు వేగంతో దూసుకెళ్లిన
సమగ్ర, సమ్మిళిత, సమీకృత మాడల్‌!
దేశం మెచ్చిన ఈ తెలంగాణ నమూనాను
నమో ముందు కించపరుస్తావా..?
నమ్మి ఓటేసిన తెలంగాణపై
ఎందుకీ నయవంచన?
నాలుగుకోట్ల తెలంగాణ ప్రజల ఆత్మగౌరవాన్ని
మోదీ కాళ్ల దగ్గర తాకట్టు పెడతావా?
నాడు తెలంగాణ ఉద్యమకారులపై రైఫిల్‌ ఎత్తావ్‌
నేడు తెలంగాణ ఆత్మగౌరవంపై దెబ్బకొట్టావ్‌
నిన్ను చరిత్ర క్షమించదు
నా తెలంగాణ దేనినైనా సహిస్తుంది కానీ..
ఆత్మగౌరవాన్ని దెబ్బతీస్తే మాత్రం ఊరుకోదు.
తెలంగాణ ఆత్మగౌరవ పతాకాన్ని
ఆకాశమంత ఎత్తుకు ఎత్తింది.. బీఆర్‌ఎస్‌!
నేడు పాతాళంలో పాతిపెట్టేస్తున్నది.. కాంగ్రెస్‌!!’
