Visit:
KTR | కాళేశ్వరం ప్రాజెక్టుపై నిన్న అసెంబ్లీలో చర్చ జరిగిన సందర్భంగా కాంగ్రెస్‌ తప్పుడు ప్రచారాన్ని బీఆర్‌ఎస్‌ నేత హరీశ్‌రావు సాక్ష్యాధారాలతో తిప్పికొట్టారు. నిండుసభలో సీఎం సహా మంత్రులు మూకుమ్మడి దాడిచేసినా.. ఒక్కొక్కరికీ సమాధానమిస్తూ హరీశ్‌రావు సభలో చుక్కలు చూపించారు.. అధికార కాంగ్రెస్‌ అడ్డగోలు వాదనను ఎక్కడికక్కడ చీల్చి చెండారు. కాగా, నిన్న అసెంబ్లీలో హరీశ్‌రావు చేసిన ప్రసంగంపై బీఆర్‌ఎస్‌ వర్కింగ్‌ ప్రెసిడెట్‌ కేటీఆర్‌ ప్రశంసలు కురిపించారు. హరీశ్‌రావును ట్యాగ్‌ చేస్తూ ట్విట్టర్‌(ఎక్స్‌)లో పోస్టు పెట్టారు.
ఇది నిజంగా మన డైనమిక్‌ లీడర్‌ హరీశ్‌రావు ఇచ్చిన ఒక మాస్టర్‌ క్లాస్‌ అని కేటీఆర్‌ అన్నారు. కేసీఆర్‌ సమర్థవంతమైన శిష్యుడు హరీశ్‌రావు అని కొనియాడారు. కాంగ్రెస్‌ మంత్రులు, ఎమ్మెల్యేలు అయిష్టంగా అయినా సరే.. హరీశ్‌రావు నుంచి ఇరిగేషన్‌పై చాలా విషయాలు నేర్చుకున్నారని తెలిపారు.
This indeed was a master class from our dynamic leader @BRSHarish Garu 👏
I am sure the congress MLAs and Ministers grudgingly learned a lot about Irrigation from this able disciple of KCR Garu https://t.co/w5YGJCETtL
— KTR (@KTRBRS) September 1, 2025
